Mattiu 11:18 - Tedim Bible

¹⁸ Bang hang hiam cih leh Tuiphumpa Johan hong pai a, amah in zu le an tangin a om ciangin, ‘Dawivei hi,’ a ci uh hi.

Tedim Bible Revision 2017

¹⁸ Bang hang hiam cih leh Tuiphumpa Johan hong pai a, amah in zu le an tangin a om ciangin, ‘Dawivei hi,’ a ci uh hi.

Mattiu 11:18 Iomraidhean Croise

2 KUMPI NIHNATE 9:11

A topa’ nasemte kiangah Jehu hong pusuah ciangin amaute in ama kiangah, “Thu khempeuh a hoih hiam? Bang hangin hih mihai pa nang kiangah hong pai ahi hiam?” a ci uh hi. Tua ciangin amah in amaute kiangah, “A mipa le a thugen na thei uh hi,” a ci hi.

Jeremiah 15:17

Mi gualnuam mawkmawkte tawh ka kikhawl kei a, zong ka lungdam khawm kei hi. Nangma thu kong manna hangin kei tangkai ka hih manin a hehin ka omden hi.

Jeremiah 29:26

“Topa in siampi Jehoiada tangin nangmah siampi-in hong koih khinzo a, Topa’ biakinnpi sungah a ukpi ding na hi ta hi. Tua ahih manin thu a hilh mawkmawk mihaite thong kia sakin kol na bulh ding hi.

Hosea 9:7

Gimthuakna hun hong tungta a, thukkikna hun hong tungta hi. Tua hun ciangin Israel mite in na thei ding uh hi. Note’ mawhna hang le note in kei nong muhdahluat manun, “Hih kamsangpa mihai hi; hih thumu pa lungsim kicing lo hi,” nong ci uh hi.

Mattiu 10:25

Tua ahih manin sang naupangte pen a siapa uh tawh a kibat uhleh a lungkim ding uh hi a, silate pen a tote uh tawh a kibat uhleh a lungkim ding uh ahi hi. Innteek lutang pa pen Beelzebul hong ci uh ahihleh a innkuanpih mite tua sangin min siazaw tawh hong kozaw lai ding uh hi lo ahi hiam?

Mattiu 11:17

‘Lam nading khuang kong tumsak uh hangin na lam nuam kei uh a, kah la ka sak uh hangin lah na kap nuam tuan kei uh hi,’ a kicite tawh a kibang uh hi.

Mattiu 3:4

Johan in kalaoh mul kigan puan silhin, savun kawnggak tawh a kawng gak a, kauphe le gamlak khuaizu tawh a kivak hi.

Mattiu 9:34

Ahi zongin Farisi mite in, “Dawimang lianpen pa min tawh hih bangin dawi a hawlkhia ahi hi,” a ci uh hi.

Marka 3:22

Jerusalem khua pan a hong pai Thukham hilh siate pawlkhat in, “Hih pa sungah Beelzebul lut hi. Dawimangpa in ama tungah dawi hawlkhiat theih nading vangliatna pia hi,” a ci uh hi.

Luka 1:15

Topa’ muhna-ah amah milian khat hi ding hi. Amah in leenggahzu ahi a, khamtheihzu khat peuhpeuh ahi zongin ne lo ding hi. A suah phet a kipanin Kha Siangtho tawh kidim ding hi.

Johan 10:20

Mi tampi tak in, “Hih pa pen dawivei, mihai hi lel ahih manin a thugen ngaih taak lo hi,” ci uh a,

Johan 7:20

Tua ciangin mihonte in, “Dawivei hi teh! Kua in nang thah hong sawm ahi hiam?” a ci uh hi.

Johan 8:48

Tua ciangin Jew mihonte in, “Nang Samaria mi hi-in, dawivei hi teh, ka hong cih uh a man mah hi lo ahi hiam?” a cih uh ciangin

Johan 8:52

Tua ciangin mihonte in, “Dawivei taktak na hihna thu tu-in ka hong thei uh hi. Kamsangte khempeuh le Abraham zong si napi-in, ‘Keima thuhilhna a zui peuhpeuh si nawn lo ding,’ na ci lailai hi.

Sawltak 26:24

Hih bangin amah kiphelna thu Paul in a gen ciangin Festas in, “Paul aw, mihai na hita hi. Na pil sinnateng in mihai hong suaksak ta hi,” ci-in nakpitakin a kiko hi.

1 KORIN MASA 9:27

Kimawlna sungah midangte a kihel dingin a sam hinapi-in tua kimawlna-ah a kihel zo lo mi ka suahkhak loh nadingin ka pumpi seekin hoihtakin ka ki-uk hi.