Mattiu 11:14 - Tedim Bible

¹⁴ Tua thu kigensa na upnop uhleh, a kigenkhol bangin a hong pai ding Elijah a kici pen Tuiphumpa Johan ahi hi.

Tedim Bible Revision 2017

¹⁴ Tua thu kigen sa na up nop uh leh, a kigenkhol bangin a hong pai ding Elijah a kici pen Tuiphumpa Johan ahi hi.

Mattiu 11:14 Iomraidhean Croise

Ezekiel 2:5

Amaute in nangma thu hong mang a, hong mang kei zongin, amaute lakah kamsang khat a omkhit lamtak thei ding uh hi.

Malakhi 3:1

Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawlkhol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

Malakhi 4:5

“Ahi zongin tua a lauhuai lian mahmah Topa’ ni hong tun ma-in note kiangah kamsang Elijah kong paisak ding hi.

Mattiu 11:13

Bang hang hiam cih leh Tuiphumpa Johan thuhilh a kipat hun ciang dong, kamsangte khempeuh le Moses Thukham khempeuh in hih vantung ki-ukna thu gen belin a nei uh hi.

Luka 1:17

Amah pen kamsang Elijah mah bangin thahatna le vangliatna tawh Pasian mai-ah hong mapai ding hi. Pate le tate kilemsakkikin, mihoihte’ lungsim bang a neih nadingun thumang lo mite’ lungsim heisak ding a, Topa a dingin a kilawm dingin mite a bawlkhol ding hi,” a ci hi.

Johan 16:12

“Ka hong gen ding tampi tak omlai hi; ahi zongin hong gen lai leng note a dingin tamlua ding hi.

1 KORIN MASA 3:2

Note in antak nezo nai lo na hih manun nawitui ka hong tulh hi. Tu mahmahin zong nawi bek mah tulh ding a kisam lai na hi uh hi.

Mangmuhna 20:4

Tua ciangin tokhom tungah a tu mi pawlkhat ka mu a, tua mite tungah thukhen nading aana a kipia ahi hi. Jesuh thu a genna le Pasian thu hangin a kithat mite’ kha zong ka mu hi. Tua mite in ganhing ahi a, a lim ahi zongin bia lo uh hi; a taltang uhah ahi a, a khut tung uhah ahi zongin ganhing ciaptehna nei lo uh hi. Amaute hong hingkik uh a, Khrih tawh kum tulkhat sung ukna aana a neikhawm uh hi.