Mattiu 10:42 - Tedim Bible

⁴² Keima nungzui mi a neupen khat nangawn, keima nungzui ahihna hangin tuivot hai khat bek a suahte nangawn in pel loin thaman a ngah ding lamtak phawk un,” ci-in a vaikhak hi.

Tedim Bible Revision 2017

⁴² Keima nungzui mi a neu pen khat nangawn, keima nungzui ahihna hangin tuivot hai khat bek a suahte nangawn in pel loin thaman a ngah ding lamtak phawk un,” ci-in a vaikhak hi.

Mattiu 10:42 Iomraidhean Croise

1 KUMPI MASATE 17:11

Tua nu in paipih dingin a kisak laitakin, amah in tua nu samin, “Anlum neu khat hong tawi kawm in,” a ci hi.

2 KUMPI NIHNATE 4:10

Eite kiangah amah hong pai peuhpeuh ciangin a tuntheih nadingin innkhumzangah kawm a nei inndeineu khat bawlin tua sungah ama a dingin lupna khat, sabuai khat, tutphah khat, le meivak khat koihsak ni,” a ci hi.

Paunak 19:17

Mizawngte tungah a piate in Topa’ tungah a pia hi a, Topa in a cingin amaute tungah lohkik ding hi.

Paunak 24:14

Pilna pen i nuntakna-ah khuaizu tawh kibang a, pilna nei lecin mai lamah lametna om a, na khan hong sausak ding hi.

Thuhilh-sia 11:1

Sumbawl nadingin na sumte zang in. Ni khat ni peuh teh a meet na ngah ding hi.

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang ding a, ka tuute gim ka pia ding hi.

Mattiu 18:10

“Hih naupangnote khatpeuh na simmawhkhak loh nadingun kidawm un. Note kiangah kong genin-ah: Amaute a kem vantung mite pen vantungah ka Pa kiangah om tawntung uh hi.

Mattiu 18:14

Tua mah bangin vantungah a om na Pa un hih naupangnote khat zong a sih ding a deih kei hi.

Mattiu 25:40

Tua ciangin Kumpipa in amaute kiangah, ‘Note kiangah kong genin-ah: Hih ka sanggamte a neupen khat nangawn na limbawl uh ciangin kei tungah a hong bawl na hi uh hi,’ ci-in a dawng ding hi.

Luka 17:2

Hih naupangno khat a khialh nading a piansak sangin a ngawngah an gawina suang lianpi khat khihin tuipi sungah kikhia leh ama a dingin hoihzaw thampek ding hi.

Luka 6:35

Tua bang lelin note na gamta kei ding uh hi. Na galte uh itin amaute tungah thupha bawl unla, lohkik ding lamen loin leitawi pia un. Tua hileh na thaman uh lian ding a, a Lianpen Pasian’ tate na hi ding uh hi. Bang hang hiam cih leh lungdamna mel a theithei lo mite le a huaiham mite tungah amah migi hi.

2 KORIN NIHNA 8:12

Piaknopna lungsim na neih nak-uhleh na neih lohnate uh siksan hi loin na neihna uh tawh kizui-in na piak uh Pasian in hong sang ding hi.

Hebru 6:10

Pasian, a man loin gamta ngei lo ahih manin na Khristianpihte uh a beisa hunah na huhna uh le tu dongin na huh laina uh tawh ama a dingin na nasepna uh le amah na itna uh na lahnate uh hong mangngilh het lo ding hi.