Mattiu 10:4 - Tedim Bible

⁴ Simon (gam khual pa), le Jesuh a lehhek Iskariot’ tapa Judas ahi uh hi.

Tedim Bible Revision 2017

⁴ Simon (gam khual pa) le Jesu a lehhek Iskariotʼ tapa Judas ahi uh hi.

Mattiu 10:4 Iomraidhean Croise

Mattiu 26:14

Tua ciangin sawm le nihte sung panin Iskariot’ tapa Judas a kici mipa siampi liante kiangah va pai a,

Mattiu 26:15

“Note’ khut sungah amah hong pia leng, note in kei bang tawh hong guai ding na hi uh hiam?” a cih ciangin ngun peek sawmthum a pia uh hi.

Mattiu 26:2

“Na theihsa uh mah bangin tuzawh ni nih khit ciangin Paisan Pawi hun hong tungta ding hi. Tua ciangin singlamteh tungah thah dingin Mihing Tapa kipia ding hi,” a ci hi.

Mattiu 26:47

Tua bangin Jesuh in thu a gen laitakin sawm le nihte sung panin Judas hong tung a, siampi liante le upate in a hong sawl, namsau le molhtum a tawi mihonpi tawh hong tonkhawm hi.

Mattiu 27:3

A lehhek pa Judas in Jesuh a si dingin thu a kikhenna a muh ciangin kisikkik ahih manin siampi liante le upate kiangah a ngun peek sawmthumte va paipih kik a,

Marka 14:10

Tua laitakin sawm le nihte sungpan Iskariot’ tapa Judas in amaute tungah Jesuh a piaktheih nadingin siampi liante kiangah a va pai hi.

Marka 14:43

Tua bangin Jesuh in thu a gen laitakin sawm le nihte sung panin Judas hong tung a, siampi liante, Thukham hilh siate, le upate in a sawl mihonte in namsau le molhtum tawi-in hong zui uh hi.

Luka 22:3

Tua ciangin sawm le nihte sung panin Iskariot tapa Judas sungah Satan hong lut hi.

Luka 22:47

Tua bangin thu a gen laitakin mihonpi khat hong pai a, sawm le nihte sung panin Judas a kici mipa hong makai-in Jesuh a nam dingin hong naih hi.

Johan 13:2

Jesuh le a nungzuite nitak an ne-in a tukhawm uh hi. Tua hun laitakin dawimangpa in Simon Iskariot’ tapa Judas’ lungsim sungah Jesuh lehhek nading ngaihsutna koih khinzo hi.

Johan 6:64

Tua hinapi-in note pawlkhat in na um kei uh hi,” a ci hi. (Jesuh in a kipat cil pek a kipanin kuateng in ama thu um ding a, kuateng in amah lehpei ding cih thu thei khinzo hi.)

Johan 6:71

Sawm le nihte sung panin amah a lehpei ding ahih manin Simon Iskariot’ tapa Judas thu a genna ahi hi.

Sawltak 1:13

Jerusalem a tun uh ciangin amauteng, Peter, Johan, James le Andru, Filip le Thomas, Bartholomew le Matthai, Alfeas’ tapa James, Simon (gam khual pa), le James’ tapa Judas a tunna uh inn dei-ah a kahto uh hi.