Mattiu 10:32 - Tedim Bible

³² “Keima mi ahihna thu mite’ theihin a genkhia mite, kei zong vantungah ka Pa’ mai-ah keima mi ahihna thu ka gen ding hi.

Tedim Bible Revision 2017

³² “Keima mi ahihna thu miteʼ theihin a gen khia mite, kei zong vantungah ka Paʼ mai ah keima mi ahihna thu ka gen ding hi.

Mattiu 10:32 Iomraidhean Croise

Late 119:46

Kumpite’ mai-ah nangma thute ka gen ding a, maizumna ka thuak kei ding hi.

Mattiu 25:34

Tua ciangin Kumpipa in a taklamah a om mite kiangah, ‘Ka Pa in thupha a piak mite aw, hong pai ta un. Leitung piancil a kipanin note a dingin a kibawlkholsa gamnuam hong luah un.

Luka 15:10

Tua mah bangin mawhnei mi khat a kisikkikna hangin Pasian’ vantung mite lungdam mahmah uh hi,” a ci hi.

Johan 9:22

Jesuh pen Khrih hi, ci-in a gen peuhpeuh, kikhopna inn panin hawlkhia ni, ci-in Jew mi uliante in thukimna neikhin uh ahih manin, Jew mi uliante a kihtakna uh hangin a nu le a pate in hih bangin a gen uh ahi hi.

2 TIMOTI NIHNA 1:8

Tua ahih manin i Topa’ thu gen nading thu-ah ahi a, ama thu hangin thong a kia keima thu-ah ahi zongin maizum het kei in. Pasian in nangma tungah thahatna hong pia ahih mah bangin Lungdamna Thu hangin thuakna-ah zong a thuaknuam hizaw in.

1 JOHAN MASA 4:15

Jesuh pen Pasian’ Tapa hi, ci-in umin a sang mite, Pasian in ompih a, tua mite pen Pasian tawh a omkhawm ahi uh hi.

Mangmuhna 2:13

Satan in a kumpi tokhom a phuhna munah a om na hih lamtak uh ka thei hi. Keima thu citakin teci a pang cinten Antipas, Satan’ omna munah a kithah hun laitak nangawnin kei na hong upna uh na khahsuah kei uh hi.

Mangmuhna 3:5

A gualzo mite in tua bangin puanpak silh ding uh a, a nungta mite a kikhumna laibu sung panin amaute’ min ka phiat kei ding hi. Ka Pa le ama vantung mite kiangah zong keima mite ahihna uh ka pulak ding hi.

1 SAMUEL MASA 2:30

Tua ahih ciangin Israel-te’ Pasian, Topa in thu hong genin: ‘Nangma innkuan le na behte keima mai-ah sungtumin pusuak tawntung ding hi, ci-in thu ka ciamsa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi ding a, kei hong simmawhte ka simmawh ding hi.