Mattiu 10:26 - Tedim Bible

²⁶ “Tua ahih manin kuamah kihta kei un. A kiseelte khatvei teitei kimu ding a, thusimte khatvei teitei thulang suak ding hi.

Tedim Bible Revision 2017

²⁶ “Tua ahih manin kuamah kihta kei un. A kiseelte khatvei teitei kimu dinga, thusimte khatvei teitei thulang suak ding hi.

Mattiu 10:26 Iomraidhean Croise

Paunak 10:9

Thuman mite lungnuamin om hithiat a, thuman lote kiman hi.

Paunak 28:1

Kuama delh lohpi-in migilote taimang a, mithumante ahihleh humpinelkai bangin a hang uh hi.

Paunak 29:25

Midangte kihtakna in hong lunghimawhsak a, Topa muanna in hong lungmuangsak hi.

Thuhilh-sia 12:14

A pha hitaleh a sia hitaleh a simthamin i hih simte nangawn i hihna khempeuhah Pasian in thu hong khen ding hi.

Isaiah 41:10

nang hong ompih ka hih manin lau kei in. Na Pasian ka hih manin lungkia kei in. Nang hong thakhauhsakin ka hong huh ding a, nang hong huhin ka hong honkhia ding hi.

Isaiah 41:14

Lungno bang ahi lel Jakob, no Israel mite aw, lau kei un! Note kong huh ding hi, Topa in ci hi. Note hong honpa pen Israel-te’ Siangtho Pa ahi hi.

Jeremiah 1:8

Amaute kihta kei in; bang hang hiam cih leh nangmah a hong hu dingin ka hong ompih hi, Topa in kong ci hi,” hong ci hi.

Ezekiel 2:6

“Ahi zongin mihing ahi Ezekiel aw, amaute ahi a, a thugente uh ahi zongin na kihta kei ding hi. Amaute in nang ling hong kaihnelh ding uh a, momai lak a om na bang ding hi. Tua bang hitaseleh, hih a lehdo thei mite’ maipuak zia le amaute’ kampaunate hangin lau tuan kei in.

Mattiu 10:28

Pumpi a thah khit ciangin kha a that thei lote na kihta kei un. Hell khuk sungah pumpi le kha a nihin a susia thei pa na kihtazaw un.

Marka 4:22

Thusimin a kikoih peuhmah khatvei teitei thulang a suak ding, a kiseel peuhmah khatvei teitei a kipholak ding, cih deihna simloh bang dang om ahi hiam?

Luka 24:47

Jerusalem khua a kipan minam khempeuh tungah a mawhna uh kisikin a kimaisak nading thu, ama min tawh kihilh ding hi, ci-in kigelh hi.

Luka 8:17

Bang hang hiam cih leh, thusimin a kikoih peuhmah, khatvei teitei thulang a suak lo ding, a kiselcip peuhmah, khatvei teitei a kipholak lo ding, bangmah om lo hi.

Sawltak 1:8

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khuasung, Judea gam sung, Samaria gam sung, le leimong dongin note in keima thu na gen ding uh hi,” ci-in a dawng hi.

Sawltak 4:13

Uliante in Peter le Johan a han’ mahmahna thu le amaute pilna sang a nei lo mi mawkmawk ahihna thu a theih uh ciangin lamdang a sa mahmah uh hi. Tua ciangin Jesuh tawh a kikhawl khin ngeite ahihna uh a phawk uh hi.

Sawltak 4:19

Ahi zongin Peter le Johan in, “Note’ thu manzawk ding le Pasian’ thu manzawk ding, Pasian’ muhna panin koi pen manzaw ding cih thu nomau mah in zong ngaihsun ciat un.

1 KORIN MASA 4:5

Tua ahih manin a hun a tunma-in kuamah mawhsakin thu khen kei un. Topa hong pai ciangin a tawpna thukhenna hong om ding a, amah in thusimte hong pholakin, mihingte in a lungsim sung uhah a ipcip uh thute hong telkheh ding hi. Tua ciangin mi khempeuh in amau’ ngah dingin a kilawm phatna, Pasian’ kiang panin a ngah ciat ding uh hi.

1 PETER MASA 3:14

A hoihin na gamtat manun gimna na thuak uhleh zong Pasian in thupha hong pia ding hi. Mite kihta kei unla, lunghihmawh ngaihsut kei un.