Mattiu 10:25 - Tedim Bible

²⁵ Tua ahih manin sang naupangte pen a siapa uh tawh a kibat uhleh a lungkim ding uh hi a, silate pen a tote uh tawh a kibat uhleh a lungkim ding uh ahi hi. Innteek lutang pa pen Beelzebul hong ci uh ahihleh a innkuanpih mite tua sangin min siazaw tawh hong kozaw lai ding uh hi lo ahi hiam?

Tedim Bible Revision 2017

²⁵ Tua ahih manin sang naupangte pen a siapa uh tawh a kibat uh leh a lungkim ding uh hi a, silate pen a tote uh tawh a kibat uh leh a lungkim ding uh ahi hi. Innteek lutang pa pen Beelzebul hong ci uh ahihleh a innkuan pih mite tua sangin minsia zaw tawh hong ko zaw lai ding uh hi lo ahi hiam?

Mattiu 10:25 Iomraidhean Croise

2 KUMPI NIHNATE 1:2

Samaria-a a inndei tungnung innliim panin Ahaziah kia-in a liam hi. Tua ahih ciangin amah in kamtaite sawlin amaute kiangah, “Pai un, hih natna panin ka damkikzo ding hiam cih thu Ekron pasian, Baalzebub kiangah va dong un,” a ci hi.

Mattiu 12:24

Ahi zongin Farisi mite in hih thu a zak uh ciangin, “Dawimangpa Beelzebul min tawh dawi a hawlkhia hi lel hi,” a ci uh hi.

Mattiu 12:27

Keimah in Beelzebul vangliatna tawh dawite hawlkhia ka hih leh na mipihte un a kua’ vangliatna tawh hawlkhia ahi uh hiam? Na mipihte un na ngaihsut khialhna uh hong kilangsak hi.

Mattiu 9:34

Ahi zongin Farisi mite in, “Dawimang lianpen pa min tawh hih bangin dawi a hawlkhia ahi hi,” a ci uh hi.

Marka 10:39

amaute in, “Ka hizo ding uh hi,” ci-in a dawng uh hi. Tua ciangin Jesuh in amaute kiangah, “Keimah in gimna ka thuak ding mah bangin na thuak takpi ding uh a, ka thuak ding kiphumna zong na thuak takpi ding uh hi.

Marka 3:22

Jerusalem khua pan a hong pai Thukham hilh siate pawlkhat in, “Hih pa sungah Beelzebul lut hi. Dawimangpa in ama tungah dawi hawlkhiat theih nading vangliatna pia hi,” a ci uh hi.

Luka 11:15

Ahi zongin mi pawlkhat in, “Dawimangpa Beelzebul in dawi hawlkhiat theih nading vangliatna ama tungah a pia ahi hi,” a ci uh hi.

Luka 11:18

Tua mah bangin Satan ukna sunga om mite zong khatlekhat kido le-uh a ukna bangci kip ding ahi hiam? Kei pen, Beelzebul’ vangliatna tawh dawi hawlkhia hi, nong ci uh hi.

Luka 11:19

Ke’n Beelzebul’ vangliatna tawh dawi hawlkhia ka hih leh, na mipihte un kua’ vangliatna tawh hawlkhia ahi uh hiam? Na ngaihsut khialhna uh amaute in hong langsak ding hi.

Johan 10:20

Mi tampi tak in, “Hih pa pen dawivei, mihai hi lel ahih manin a thugen ngaih taak lo hi,” ci uh a,

Johan 7:20

Tua ciangin mihonte in, “Dawivei hi teh! Kua in nang thah hong sawm ahi hiam?” a ci uh hi.

Johan 8:48

Tua ciangin Jew mihonte in, “Nang Samaria mi hi-in, dawivei hi teh, ka hong cih uh a man mah hi lo ahi hiam?” a cih uh ciangin

Johan 8:52

Tua ciangin mihonte in, “Dawivei taktak na hihna thu tu-in ka hong thei uh hi. Kamsangte khempeuh le Abraham zong si napi-in, ‘Keima thuhilhna a zui peuhpeuh si nawn lo ding,’ na ci lailai hi.