Mattiu 10:22 - Tedim Bible

²² Keima hangin Gentail mi khempeuh in note hong mudah ding uh hi. Ahi zongin a tawp dongin a thuakzo mite in hotkhiatna a ngah ding uh hi.

Tedim Bible Revision 2017

²² Keima hangin Gentail mi khempeuh in note hong mudah ding uh hi. Ahi zongin a tawp dongin a thuak zo mite in hotkhiatna a ngah ding uh hi.

Mattiu 10:22 Iomraidhean Croise

Paunak 29:27

Midikte in migilote mudah uh a, migilote in midikte mudah uh hi.

Mattiu 10:39

Hih leitung nuntakna a hon nuamte in a nuntakna taktak taanlawh ding a, keima hangin a nuntakna a taanlawhte in a nuntakna taktak a ngah ding uh hi.

Mattiu 24:13

Ahi zongin a bei dongin a thuakzote in hotkhiatna ngah ding uh hi.

Mattiu 24:9

“Tua ciangin note hong kibawlsia-in hong kithat ding a, keima hangin Gentail mi khempeuh in note hong mudah ding uh hi.

Mattiu 5:11

“Midangte in keima hangin a man lopi-in hong simmawhin hong bawlsia a, a nam tuamtuamin hong gensiat uh ciangin thupha ngah mi na hi uh hi.

Marka 13:13

Keima hangin Gentail mi khempeuh in note hong mudah ding uh a, ahi zongin a sih dongun a thuakzote in hotkhiatna a ngah ding uh hi.

Luka 21:17

Mi khempeuh in keima hangin note hong mudah ding uh hi.

Luka 21:19

Hih bangin thuakzo le-uhcin nuntakna taktak ngah ding na hih manun kiptakin om un.

Luka 6:22

“Mihing Tapa’ hangin mite in hong mudahin hong tuamkoih a, hong simmawhin migiloin hong seh ciangin thupha ngah na hi uh hi.

Luka 8:15

Leihoih a tukna munte pen Pasian’ thu a zak ciangin lungsimtak tawh a thu mangin kip tawntung uh ahih manin amau a dingin man a neite a cihnopna ahi hi,” a ci hi.

Johan 17:14

Amaute tungah na thu ka gen khin hi. Ahi zongin keimah bangin amaute zong hih leitung mite tawh kipawl lo uh ahih manin leitung mite in a mudah uh hi.

Johan 7:7

Leitung mite’ gamtatnate hoih lo hi, ci-in gen tawntung ka hih manin amaute in kei hong mudah uh hi; ahi zongin note hong mudah lo uh hi.

Sawltak 9:16

Keima hangin a thuak ding thu khempeuh zong, kei mahmah in ama tungah ka gen ding hi,” a ci hi.

ROM (Romans) 2:7

Pahtakna, minthanna, le hin tawntungna deihin a gamtat hoih tawntung mite tungah Pasian in nuntak tawntungna pia ding a,

2 KORIN NIHNA 4:11

Tua ahih manin kote’ leitung pumpi-ah Jesuh Khrih nuntakna a kilat nadingin Jesuh hangin ka leitung nuntak sungun sih nading lauhuaina ka phukha tawntung uh hi.

Galati 6:9

Tua ahih manin na hoih sep ding cimtak kei ni. Lungkia loin i sep nakleh a hun ciangin thaman i ngah ding hi.

Hebru 3:14

A kipat tungin i neih lungmuanna kiptakin i let ciat nakleh i vekpi-in Khrih tawh pawlkhat ihi hi.

Hebru 6:11

Note khat ciat’ lametna thu hong tun taktak theih nadingin a tawp dongin lawpin na thanop paisuak nading uh ka hong deihsak pha uh hi.

Jeim 1:12

A hoih takpi mah hiam, ci-in sinna a thuak ciangin a nangzote a hampha mahmah ahi hi. Tua bangin a nangzote in, amah a itte tungah Pasian in a piak dingin a ciam nuntakna lukhu a ngah ding uh hi.

1 JOHAN MASA 3:13

Tua ahih manin lawmte aw, leitung mite in hong muhdah leh lamdang sa kei un.

Mangmuhna 2:10

Na thuak ding uh haksatnate kihta kei un. Dawimangpa in note pawlkhat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu ka hong pia ding hi.

Mangmuhna 2:17

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mi tungah a kiselcip manna an pawlkhat le min thak a kigelhna suangkang khat ka pia ding hi. Tua suangkang pen a ngahte simloh kuamah dang in thei lo ding hi.

Mangmuhna 2:26

A gualzo, a tawp dongin keima deihna bangin a gamtazo mite tungah, keimah in ka Pa tung panin ka ngah vangliatnate mah ka pia ding hi. Minam dangte tungah ukna a neih nading uh aana ka pia ding a, leibeel satkhap bangin sik ciangkhut tawh minam dangte satgawp ding uh hi.

Mangmuhna 2:3

Note in lungduai takin thuakin, keima min hangin thuakzo-in, lungkia hetloin na omna uh ka thei hi.

Mangmuhna 2:7

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mite tungah, Pasian’ Huan sunga om nuntakna singgahte a nektheih nadingun thu ka pia ding hi.

Mangmuhna 3:21

Keimah zong gualzo-in ka Pa’ tokhomah ka tutkhawm uh mah bangin a gualzote khempeuh zong kei tawh ka tokhom tungah hong tutkhawm theih nadingun thu ka pia ding hi.