Mattiu 10:2 - Tedim Bible

² Tua sawltak sawm le nihte’ min in: A masa-in Simon (Peter zong a kici pa) le a naupa Andru, Zebedi’ tapa James le a naupa Johan,

Tedim Bible Revision 2017

² Tua sawltak sawm le nihteʼ min in: A masa-in Simon (Peter zong a kici pa) le a naupa Andru, Zebediʼ tapa James le a naupa Johan,

Mattiu 10:2 Iomraidhean Croise

Mattiu 17:1

Tua zawh ni guk ciangin Jesuh in Peter, James le a nau Johan-te samin mual sang khat dawnah a tuamin a paipih hi.

Mattiu 20:20

Tua ciangin Zebedi tate James le Johan’ nu, a ta tegel tawh Jesuh kiangah hong pai-in a mai-ah khukdinin hong thum hi.

Mattiu 26:37

Tua ciangin Peter le Zebedi tapa tegel tonpih a, dahin a lunggim hun ding a kipan hi.

Mattiu 4:18

Galilee Tuili gei-ah Jesuh a pai laitakin ngabeng Peter a kici Simon le a nau Andru, ngen tawh nga khuhin a om a mu hi.

Mattiu 4:21

Tua lai panin a paikhiat khit uh ciangin Zebedi tapa James le Johan-te unau, a pa uh tawh gunkuang sungah ngen puahin a om mu leuleu a, amau tegel zong a sam hi.

Marka 1:29

Tua ciangin kikhopna inn panin amaute paikhia-in Simon le a nau Andru’ inn-ah paisuakpah uh a, James le a nau Johan in zong a zui uh hi.

Marka 13:3

Biakinn galkhatah a om Oliv Mual tungah Jesuh tu-in a om laitakin Peter, James, Johan, le Andru hong pai-in amauteng guak a om laitakin,

Marka 6:30

Tua khit ciangin Jesuh kiangah sawltakte hong ciahkik uh a, a sepna khempeuh uh le a thuhilhna khempeuh uh a zasak uh hi.

Luka 11:49

Tua thu hangin Pasian’ Pilna a kici laibu sungah, ‘Amaute kiangah kamsangte le sawltakte ka sawl ding a, amaute in tua mite pawlkhat bawlsia-in na that ding uh hi,’ ci-in kigelh hi.

Luka 22:14

A hun a tun ciangin Jesuh zong sawltakte tawh sabuai-ah a tu hi.

Luka 22:8

Jesuh in Peter le Johan kiangah, “Va pai unla, eite’ Paisan Pawi annek ding va vaihawm un,” ci-in a sawl hi.

Luka 5:10

Tua mah bangin Simon’ lawmte ahi, Zebedi’ tapa James le Johan-te in zong lamdang a sa uh hi. Jesuh in Simon kiangah “Lau kei in. Tu a kipanin ngasa mat bangin mi tampi a huai pa na suak ding hi,” a ci hi.

Luka 9:10

Sawltakte a khualzinna panun a hong tunkik uh ciangin a sepna teng uh Jesuh kiangah a gen uh hi. Jesuh in zong amauteng bek a om theih nadingun amaute samkhia a, Bethsaida khua lamah a paipih hi.

Johan 12:22

Filip in Andru kiangah a gen hi. Tua ciangin Andru le Filip paikhawmin Jesuh kiangah a gen uh hi.

Johan 13:23

Jesuh in a itdiak a nungzuite khat ama kiangah tu ahih manin,

Johan 20:2

Amah zong tai-in Simon Peter le Jesuh in a it a nungzui pa kiangah, “Amaute in hankhuk panin i Topa lakhia khin uh a, koi lai-ah koih ahi uh hiam, cih ka thei kei uh hi,” a ci uh hi.

Johan 21:2

Simon Peter, Unau Peeng minno a nei Thomas, Galilee gam Kana khuami Nethanel, Zebedi’ tapate, le nungzui dang nihte mun khatah a omkhawm uh hi.

Johan 21:20

Peter a kihei ciangin, nitak an a nek lai-un Jesuh’ gei-ah tu-in, “Topa aw, nang kua in hong lehhek ding ahi hiam?” ci-in a dong, Jesuh’ it a nungzui pa ama nungah a om a mu hi.

Johan 21:24

Jesuh in tua a cih nungzui pa pen hih thute genin lai sungah a gelh pa hi a, ama thugente a mantaktak hi, ci-in ka thei uh hi.

Johan 6:67

Tua ahih manin Jesuh in a nungzui sawm le nihte kiangah, “Note zong na ciahkik nuam mai uh hiam?” a cih ciangin

Johan 6:70

Tua ciangin Jesuh in, “Note na sawm le nih mahun ka hong teel hinapi-in khat pen dawi na suakmawk uh hi,” a ci hi.

Johan 6:71

Sawm le nihte sung panin amah a lehpei ding ahih manin Simon Iskariot’ tapa Judas thu a genna ahi hi.

Johan 6:8

Tua laitakin a nungzuite sung panin Simon Peter’ nau Andru in Jesuh kiangah,

Sawltak 1:13

Jerusalem a tun uh ciangin amauteng, Peter, Johan, James le Andru, Filip le Thomas, Bartholomew le Matthai, Alfeas’ tapa James, Simon (gam khual pa), le James’ tapa Judas a tunna uh inn dei-ah a kahto uh hi.

Sawltak 1:26

Tua ciangin a teel nadingun lai ai san uh a, Matthias in ngah ahih manin sawltak sawm le khatte tawh a kisim khawm pah hi.

Sawltak 12:2

Johan’ u James pen namsau tawh thatsak hi.

Sawltak 3:1

Nikhat, thunget hun nitak nai thum laitakin biakinn-ah Peter le Johan a pai uh hi.

1 KORIN MASA 15:7

Tua ciangin James tungah kilang a, tua banah sawltak sawm le nihte tungah kilang leuleu hi.

Efesa 4:11

Amah in mite tungah siamna a tuamtuam hong pia a, pawlkhatte sawltak nasep a sem ding, pawlkhatte kamsang nasep a sem ding, pawlkhatte thuhilh kawikawi nasep a sem ding, pawlkhatte pawlpi kem nasep a sem ding, le pawlkhatte laihilh nasep a sem dingin a hong seh hi.

Hebru 3:1

Tua ahih manin Pasian’ sapna a ngah mi siangthote aw, eite’ upna thu tawh kisai-ah Siampi Lianpen a sem dingin Pasian’ sawltak Jesuh’ thu ngaihsun dih un.

1 PETER MASA 1:1

Jesuh Khrih sawltak keimah Peter in Pontas gam, Galatia gam, Kappadosia gam, Asia gam, le Bithynia gamah kithehthangin peemta-in a om mite kiangah lai ka hong khak hi.

2 PETER NIHNA 1:1

Jesuh Khrih nasem le sawltak ahi keimah Simon Peter in: Eite’ Pasian le Honpa ahi Jesuh Khrih a thumanna hangin kote’ upna zah mahin upna manpha a nei mite tungah lai ka hong khak hi.

2 JOHAN NIHNA 1:1

A khangham bel keimah Johan in Teeltuam ahi, kong it taktak tonu le na pawlpi mite kiangah lai ka hong gelh hi. Kei bek in a hong it hi loin thuman a thei taktakte khempeuh in zong hong it uh hi.

3 JOHAN THUMNA 1:1

A khangham bel keimah Johan in Lungsim takpi tawh ka hong it ka lawm Gaias tungah lai ka hong khak hi.

Mangmuhna 1:1

Hih laibu pen a piang baih ding thute, Pasian’ nasemte tungah a lah dingin Pasian in Jesuh tungah a thu pia a, Jesuh in maang sungah a lah thute ahi hi. Khrih in ama vantungmi sawl a, a nasempa Johan kiangah hih thute a kilangsak hi.

Mangmuhna 1:9

Note’ sanggam keimah Johan in Jesuh tawh kipawlna hangin note mah bangin bawlsiatna thuakin, Pasian’ Ukna sungah omin, lungduai takin a thuak mipa ka hi hi. Pasian’ thu le Jesuh’ hong gen thumante ka genna hangin Patmos a kici tuikulh-ah kei hong kikoih hi.

Mangmuhna 18:20

Vantung aw, ama siatna hangin lungdam in. Mi siangthote, sawltakte, le kamsangte aw, note tungah hong gamtatna hangin Pasian in ama tungah thukhenna pia khinta ahih manin lungdam ta un,” a ci uh hi.

Mangmuhna 22:8

Keimah Johan in hih thute za-in ka muh ahi hi. Hih thute za-in ka muh ciangin hih thute kei tungah a hong lak vantungmi a bia dingin a khe phungah ka boksuk hi.