Mattiu 10:16 - Tedim Bible

¹⁶ “Ngiahon lakah tuu a kikhah bangin note hong sawlkhia ka hih manin gul bangin pilvang unla, vakhu bangin migi un.

Tedim Bible Revision 2017

¹⁶ “Ngia hon lakah tuu a kikhah bangin note hong sawl khia ka hih manin gul bangin pilvang unla, vakhu bangin migi un.

Mattiu 10:16 Iomraidhean Croise

Piancilna 3:1

Tu-in gulpi pen, Topa Pasian’ bawlsa gamlak ganhing dangte khempeuh sangin ngiansiam zaw hi. Amah in numei kiangah, “Pasian in, ‘Huan sung singgah khat peuhpeuh ne lo ding,’ hong ci ahi hiam?” ci hi.

Piancilna 3:13

Tua ciangin Topa Pasian in numei kiangah, “Bangci a hici gamtat na hi hiam?” a ci hi. Numei in, “Gulpi in kei hong khem a, ka ne hi,” ci hi.

Nehemiah 4:13

Tua ahih ciangin kulh nunglam mun niam penna mun awng tengah a namsau uh, a teipi uh, le a thal uh tawh, a innkuan kuanun ka mite ka pangsak hi.

Jeremiah 40:16

Ahih hangin Ahikam’ tapa Gedaliah in Kareah’ tapa Johanan’ kiangah, “Tua bangin hih kei in; bang hang hiam cih leh Ishmael’ thu na genna man lo hi,” a ci kik hi.

Hosea 7:11

Israel pen a khemnop kawl vakhu hai tawh kibang hi. Egypt-te kiangah huhna va ngen masa uh a, tua ciangin Assiria-te kiangah a va tai uh hi.

Mattiu 24:25

A hun ma-in hong genkholkhin ka hih manin limtakin kidawm un.

Mattiu 24:45

“A pil a citak nasem i cih a bangcite ahi hiam? A naseppih dangte ukin a hun manmanin amaute’ nekzah ding ciat an a pia dingin a topa in a seh a nasempa ahi hi.

Mattiu 25:2

Nungak sawmte sung panin nga pil uh a, nga hai uh hi.

Mattiu 25:4

ahi zongin a pil nungak ngate in a dimtakin thunin a pai uh hi.

Mattiu 25:9

a pilte in, ‘Hong hawm le ung ko a’ ding tawh kicing nawn lo ding ahih manin no a’ ding va leitawm zaw un,’ ci-in a dawng uh hi.

Luka 10:3

Note va kuan un. Ngiahon lakah tuuno khah bangin note ka hong sawl hi.

Luka 21:15

Bang hang hiam cih leh tua hun ciangin note’ gen ding thu le pilna kong guan ding a, na galte uh khat beek in note’ thugen hong nialzo loin, zong hong sel zo lo ding uh hi.

Sawltak 20:29

Kei ka om nawn loh ciangin, sa gilote in gannote a phialgawp bangin, mi pawlkhat in thu um mite hong phialgawp ding lamtak ka thei hi.

1 KORIN MASA 14:20

Sanggamte aw, na thu ngaihsutnate uhah naupang bang kei un. Gitlohna lamah naupang bang unla, ahi zongin thu ngaihsutna-ah a khangham hi ta un.

2 KORIN NIHNA 1:12

Kote’ kisialhpih thu in: hih leitung a ka gamtatnate uh le a diakdiakin note tungah kong gamtatnate uhah, mihingte’ pilna a zang hi loin Pasian hehpihna vang tawh, Pasian’ deihna bangin lungsim takpi tawh a gamta hi ung, ci-in ka kitheihna lungsim uh ahi hi.

2 KORIN NIHNA 11:14

Tua pen lamdangsak ding hi lo hi. Satan nangawn Pasian’ vantungmi tawh a kibangin kibawltawm thei hi.

2 KORIN NIHNA 11:3

Ahi zongin gulpi in ama zuau ngian tawh Eve a khemzawh bangin na lungsim uh kihei-in Khrih tungah na kipiaknate uh na nusiatkhak ding uh ka lunghimawh hi.

2 KORIN NIHNA 8:20

Citna tawh mi huh nadingin a kipia hih sum ka zeekna uh tawh kisai-in mi a phunkhak loh nadingun a kidawm mahmah ka hi uh hi.

Filippi 2:15

Tua hileh a lungsim kawi, a hoih lo leitung mite lakah paubaanna a nei lo a siangtho, Pasian’ tate na hi ding uh a, nuntakna thu na genna uh hangin leitung mite lakah khuavak bangin na hoihna uh a kilang mite na hi ding uh hi.

Kolose 1:9

Tua bangin note’ thu ka zak uh hun a kipanin Pasian kiangah thu ka hong ngetsak uh a, kha thu tawh kisai pilna le theihtelnate nei-in, Pasian’ deihna na theihtheih nadingun ka hong ngetsak uh hi.

Kolose 4:5

A pualam mite tungah a kilawm a kituakin gamta unla, hunhoih na ngah khempeuh uh na valkhongsak ngei kei un.

1 THESALONIKA MASA 2:10

Note in hih thu na theih uh mah bangin Pasian in zong hong thei hi. Thu um note tungah kong gamtatnate uh siangtho-in thuman a, paubaan nading bangmah om het lo hi.

1 THESALONIKA MASA 5:22

a sia lamsang peuhmah pelh un.