Mattiu 1:25 - Tedim Bible

²⁵ Ahi zongin tua tapa a suah hun dongin a zi luppih lo a, a suah ciangin a min dingin Jesuh a phuak hi.

Tedim Bible Revision 2017

²⁵ Ahi zongin tua tapa a suah hun dongin a zi luppih lo a, a suah ciangin a min dingin Jesu a phuak hi.

Mattiu 1:25 Iomraidhean Croise

2 SAMUEL NIHNA 6:23

Tua ahih ciangin Saul’ tanu Mikhal in a sih ni dongin ta nei thei nawn lo hi.

1 KUMPI MASATE 1:4

Tua nungak melhoih mahmah a, kumpipa a kemnu suakin ama na a sem hi. A lupkhawm uh hangin kumpipa in amah hih zo lo hi.

Paikhiatna 13:2

“Keima tungah tacil khempeuh hong ap in. Israel mite’ lakah, mihing hitaleh ganhing hitaleh, naubu a hong masa pen peuhpeuh keima-a’ ahi hi,” a ci hi.

Paikhiatna 22:29

“Na anlakna pan uh le sathau le leenggah na suknate uh panin a leetkhiate piak khiat ding na zekai kei ding uh hi. “Na tapa cilte uh keima tungah nong pia ding uh hi.

Mattiu 1:21

Amah in tapa khat hong nei ding a, tua tapa in ama mite a mawhna uh panin honkhia ding ahih manin ama min dingin Jesuh na phuak ding hi,” ci-in thu a gen hi.

Mattiu 1:24

Josef zong a khanlawh ciangin Topa’ vantungmi’ sawl bangin a zi a la hi.

Luka 1:31

Nang gai-in tapa khat na nei ding a, a min dingin Jesuh na phuak ding hi.

Luka 2:21

Naungek a vun a ki-at ni hun nipikal khat a cin khit ciangin, amah a kipaii ma-in a min dingin vantungmi in a piaksa ahi Jesuh, a min dingin a phuak uh hi.

Luka 2:7

Zintun nading mun dang khempeuh mi dim khinta ahih manin ganbukah tung uh a, a tacil ahi ta pasal khat nei-in, puan tawh tunin gan annekna kuang sungah a sial hi.

ROM (Romans) 8:29

Pasian’ Tapa mi khempeuh lakah a upa pen a suahtheih nadingin Pasian in a teelkholhsa mite, a Tapa tawh a kibang dingin a sehsa ahi hi.