Mattiu 1:20 - Tedim Bible

²⁰ Ahi zongin hih bangin thu a ngaihsut laitakin a mang sungah Topa’ vantungmi khat hong kilang a, “David suan Josef aw, Mary sunga nau pen Kha Siangtho in a gaisak ahih manin amah tenpih ngamlah kei in.

Tedim Bible Revision 2017

²⁰ Ahi zongin hih bangin thu a ngaihsut laitakin a mang sungah Topaʼ vantungmi khat hong kilang a, “David suan Josef aw, Mary sunga nau pen Kha Siangtho in a gaisak ahih manin amah teenpih ngam lah kei in.

Mattiu 1:20 Iomraidhean Croise

Piancilna 31:11

Tua ciangin Pasian’ vantungmi in ka mang sungah, ‘Jakob,’ hong ci a, ke’n, ‘Hiah om ing!’ ka ci hi.

Piancilna 46:3

Tua ciangin amah in, “Kei pen na pa’ Pasian ahi, Pasian ka hi hi. Egypt-ah paisuk ding lau kei in. Bang hang hiam cih leh minam lian khatin tua lai-ah nang kong bawl ding hi.

1 KUMPI MASATE 17:13

Tua ciangin Elijah in ama kiangah, “Lunghimawh kei in; pai inla na gensa bangin an hong bawl in. Kei a dingin mohneu khat hong bawlsak masa-in kei kiangah hong paipih inla, tua khit ciangin nang le na tapa a’ ding bawl in.

1 KUMPI MASATE 3:5

Gibeon-ah zanin mang sungah Solomon’ tungah Topa kilang hi. Pasian in, “Nang kong piak ding hong ngen in,” a ci hi.

Late 119:125

Kei pen na nasempa ka hi hi. Na thuhilhnate ka theih nadingin thu theihtelna hong guan in.

Late 143:8

Nang hong muang ka hih manin zingsang simin na itna kip kei hong phawksak in. Nangma tungah thu hong ngen ka hih manin ka pai nading lampi hong hilh ta in.

Late 94:19

Ka lungsim ngaihsutna a tam mahmah ciangin kei na hong hehnem a, na hong lungdamsak hi.

Paunak 12:5

Thuman mite in a kilawm a kituakin hong bawl a, migilote bek in hong khem nuam hi.

Isaiah 26:3

Topa aw, nang hong muang a, nangma tungah a lungsim khempeuh a koih mipa lungnopna kicing pia ta in.

Isaiah 30:21

Taklamah na kihei ciang uh ahi a, veilamah na kihei ciang uh ahi zongin, “Hih pen lampi hi, hih tawn un,” cihna aw, na nunglam panun na bil un a za ding hi.

Isaiah 51:7

“Thuman a thei, na lungsim sung uhah keima thu a vom mite aw, ka thu ngai un. Mihingte’ kosiatna kihta kei unla, amaute’ hong simmawhna hangin lungkia kei un.

Isaiah 7:13

Tua ciangin Isaiah in, “David’ innkuan aw, ngai un! Mite na lunggim sakna uh kicing sa lo a, ka Pasian zong lunggimsak lai na hi uh hiam?

Isaiah 7:2

“Syria-te pen Efraim mite tawh kikop,” ci-in David’ innkuante tungah a kigen ciangin, huih in gamlak a singte a mut bangin amah le a mihingte’ lungsim kiling hi.

Jeremiah 31:22

Bang tanvei lungka ding na hi hiam, a zulhzau ka tanu aw. Bang hang hiam cih leh Topa in leitungah na thak khat bawl a, numei in pasal a honzo hi,” a ci hi.

Jeremiah 33:26

Jakob le ka nasempa David’ suante ka nial ding a, Abraham, Isaac, le Jakob’ suante a uk dingin amaute’ lakah mi khat zong a teello ding mah ka hi hi. Ahi zongin tu-in tua bang hi loin amaute ka hausakkik ding a, ka hehpih ding hi,” a hong ci hi.

Jeremiah 40:9

Ahikam’ tapa, Shafan’ tupa Gedaliah in zong amaute kiangah kiciamin gen a, “Babylon mite’ khutnuai-ah na om ding uh kihta tuan kei un. Hih gam sung mahah om unla, Babylon kumpipa’ na sepsak le-uhcin note tungah thusia bangmah om lo ding hi.

Joel 2:28

“Tua khit ciangin mi khempeuh tungah ka kha ka sung ding a, na puteekte un mang manin na tangvalte un maang mu ding uh hi.

Gamlak-vakna 12:6

Topa in, “Ka thu za un: Note’ lakah kamsang a om leh Topa keimah in ama tungah maangmuhna tawh ka kilak a, amah tawh mang sungah ka kiho hi.

Mattiu 1:18

Jesuh Khrih a hong suahna zia hih bang ahi hi. Mary pen Josef a dingin zuthawl piaksa hi a, ahi zongin a kiten taktak ma-un Kha Siangtho in amah a gaisakna thu Mary in a thei hi.

Mattiu 2:12

Herod kiangah a kihilkik loh nadingun a mang sung uhah Pasian in hilh ahih manin, lampi dang tawnin a gam uhah a ciahkik uh hi.

Mattiu 2:13

Tua mipilte a ciah khit uh ciangin Josef’ mang sungah Topa’ vantungmi khat hong kilang a, “Kithawi-in naungek le a nu, Egypt gamah taipih in. Pai khia un, ci-in kong genkik matengin tua gamah va om un. Herod in naungek thah dingin hong zong ding hi,” a ci hi.

Mattiu 2:19

Herod a sih khit ciangin Egypt gam a om Josef kiangah Topa’ vantungmi khat hong kilang a,

Mattiu 2:22

Ahi zongin Arkhelaus in a pa Herod’ za laihin Judea gam uk mahin a omna thu a zak ciangin tua gamah Josef ciah ngam lo hi. Tua ahih manin a mang sung mahah a kihilna bangin Galilee gam sungah lutin,

Mattiu 27:19

Tua banah, thukhen zumah thusitin a om hunsung mahun, a zi in thu zasak a, “Tuzan ka mang sungin ama hangin nakpitakin gimna thuak ka hih manin, mawhna nei lo tua mipa bangmah cihkha kei in,” a ci hi.

Mattiu 28:5

Ahi zongin tua vantungmi in numeite kiangah, “Lau kei un. Singlamteh tungah a kithat Jesuh a zong na hihlam uh ka thei hi.

Luka 1:19

vantungmi in dawng a, “Kei pen Pasian’ na a sem Gabriel ka hi hi. Nang kiangah thu hong genin, hih lungdamna thu a ko dingin a hong sawl ka hi hi.

Luka 2:4

Josef zong David’ suante khat ahih manin Galilee gam sung Nazareth khua panin David’ suahna khua ahi Judea gam Bethlehem khua-ah a pai hi.

Sawltak 5:19

Ahi zongin tua zanin Topa’ vantungmi khat in thong kongkhakte hong a, sawltakte a paikhiatpih khit ciangin amaute kiangah,

Mangmuhna 19:7

Tuuno’ zineih ding hun hong tungta a, a Lawmnu a kithawisa-in omkhin ahih manin lungdam kipakin amah phat ni.

Thukhente 13:3

Topa’ vantungmi tua numei kiangah kilangin ama kiangah, “En in, na tasel a, ta na nei kei hi. Ahi zongin tu-in gai-in tapa khat na nei ding hi.