Mattiu 1:16 - Tedim Bible

¹⁶ Jakob ta Josef hi a, Josef pen Khrih a kici Jesuh’ nu Mary’ pasal ahi hi.

Tedim Bible Revision 2017

¹⁶ Jakob ta Josef hi a, Josef pen Khris a kici Jesuʼ nu Mary’ pasal ahi hi.

Mattiu 1:16 Iomraidhean Croise

Mattiu 1:15

Eliud ta Eleazer, Eleazer ta Matthan, Matthan ta Jakob,

Mattiu 16:16

Simon Peter in, “Nang pen a nungta Pasian’ Tapa, Khrih na hi hi,” ci-in a dawng hi.

Mattiu 16:20

Tua ciangin amah Khrih ahih lamtak, kuama kiangah a gen loh nadingun a nungzuite kiangah khauhtakin thu a pia hi.

Mattiu 2:13

Tua mipilte a ciah khit uh ciangin Josef’ mang sungah Topa’ vantungmi khat hong kilang a, “Kithawi-in naungek le a nu, Egypt gamah taipih in. Pai khia un, ci-in kong genkik matengin tua gamah va om un. Herod in naungek thah dingin hong zong ding hi,” a ci hi.

Mattiu 27:17

Tua ahih manin mihonte hong kikhop ciangin Pilat in amaute kiangah, “Barabbas le Khrih a kici Jesuh, koizaw ka khah ding deih na hi uh hiam?” ci-in a dong hi.

Mattiu 27:22

Tua ciangin Pilat in, “Tua ahihleh Khrih a kici Jesuh pen bangcih ding ka hi hiam?” a cih ciangin amaute khempeuh in, “Singlamteh tungah thatsak in,” a ci uh hi.

Marka 6:3

Amah khutsiampa hilel a, Mary’ tapa hi lo ahi hiam? James, Josef, Judas, le Simon-te’ u hi lo ahi hiam? A nau numeite zong hih lai mah a om hi lo ahi uh hiam?” a ci uh hi. Tua hi a, amah sangzo lo uh hi.

Luka 1:27

Kumpi David’ suan Josef in zuthawl a piaksa Mary tungah thu a gen dingin a sawl ahi hi.

Luka 2:48

A nu le a pa in a muh uh ciangin lamdangsa uh a, a nu in, “Ka ta aw, bang hangin hong hici bawl na hi hiam? Na pa tawh lungkham mahmahin nang ka hong zong uh hi,” a ci hi.

Luka 2:7

Zintun nading mun dang khempeuh mi dim khinta ahih manin ganbukah tung uh a, a tacil ahi ta pasal khat nei-in, puan tawh tunin gan annekna kuang sungah a sial hi.

Luka 3:23

Nasep a kipat ciangin Jesuh ama khan kum sawmthum bang a pha hi. Mite in ama pa Josef hi, ci-in a ngaihsun uh hi. Josef’ pa Heli,

Luka 4:22

Amaute khempeuh in Jesuh thupi sa mahmah uh a, thugen siam sa mahmah uh ahih manin, “Hih pa, Josef’ tapa hi lel hi lo ahi hiam?” a ci uh hi.

Johan 4:25

Tua ciangin numei in, “Khrih a kici Messiah hong pai nading thu ka thei hi. Amah hong pai ciangin thu khempeuh hong gen ding hi,” a cih ciangin