Marka 3:2 - Tedim Bible

² Jesuh gamtakhial hi, ci-in a mawhsak nuam mi pawlkhat tua lai-ah om uh a, Sabbath ni-in hih mipa a damsakkha hiam, ci-in vil gige uh hi.

Tedim Bible Revision 2017

² Jesu gamta khial hi, ci-in a mawhsak nuam mi pawl khat tua lai ah om uh a, Sabbath ni-in hih mipa a damsak kha hiam, ci-in vil gige uh hi.

Marka 3:2 Iomraidhean Croise

Late 37:32

Migilo in thuman mi encik a, thah dingin a zong hi.

Jeremiah 20:10

Mite’ kihuau simna thu tampi ka za a, mun khempeuh lauhuai hi. Ka lawm itte khempeuh in ka cihmawh ding hong ngak gige uh a, “A mawhna pulak ni! A mawhna pulak ni! Amah i khemzo kha ding hi. Tua hileh i zo kha ding a, tua ciangin i thukkik ding hi,” hong ci uh hi.

Daniel 6:4

Tua ahih ciangin vaihawmpi dangte le gam ukpite in Daniel’ nasepna encikin a mawhna zon ding a hanciam uh hi. Ahih hangin Daniel pen a thuman le a citak khat ahih manin a mawhna le a simtatna a muzo kei uh hi.

Mattiu 12:10

Tua lai-ah a khut langkhat a zaw mi khat a na om hi. Jesuh gamta khial hi, ci-in a mawhna a zong nuam mi pawlkhat tua lai-ah om uh ahih manin tua mite in Jesuh kiangah, “Sabbath ni-in cina damsak ding a kilawm mah ahi hiam?” ci-in a dong uh hi.

Marka 3:3

Jesuh in khutzaw mipa kiangah, “Hih a mai lamah hong ding in,” a ci hi.

Luka 14:1

Sabbath ni khatin Farisi mi upa khat’ inn-ah an ne dingin Jesuh pai a, mite in amah encik uh hi.

Luka 20:20

Tua ahih manin a hunhoih ngakin vil gige uh a, ukna aana a neite’ khut sungah Jesuh a aptheih nadingun ama kampau tawh a mat nopna-un, lungsim takpi tawh thudong a va kineihkhem dingin mi pawlkhat thukan dingin a cial uh hi.

Luka 6:7

Thukham hilh siate le Farisi mite pawlkhat in Jesuh a mawhsak theih nading uh thu zong nuam uh ahih manin, Sabbath ni-in hih mipa a damsak hiam, ci-in na encik gige uh hi.

Johan 8:6

Hih bangin a dot uh ciangin Jesuh a mawhsak theih nadingun a thangsiahna uh ahi hi. Jesuh zong kunsuk a, a khutme tawh leilak a gelh hi.

Johan 9:16

Farisi mi pawlkhat in, “Amah in Sabbath ni tang lo ahih manin Pasian kiang panin hong pai mi hi lo ding hi,” a ci uh hi. Ahi zongin pawlkhatte in, “A gamta khial mi in bang hangin hih bangin nalamdang bawlthei ding ahi hiam?” ci leuleu ahih manin mite’ ngaihsutna kituak lo hi.