Marka 2:1 - Tedim Bible

¹ Tuazawh ni tawmkhat khit ciangin Kapernaum khua-ah Jesuh hong paikik a, inn-ah a omna thu hong kitheithang hi.

Tedim Bible Revision 2017

¹ Tua zawh ni tawm khat khit ciangin Kapernaum khua ah Jesu hong paikik a, inn ah a omna thu hong kitheithang hi.

Marka 2:1 Iomraidhean Croise

Mattiu 4:13

Galilee gam Nazareth khua-ah omsuak loin paikhia leuleu a, Zebulun le Naftali gam sung Galilee Tuili gei-a om Kapernaum khua-ah a va teng hi.

Mattiu 9:1

Tua lai panin gunkuangah tuang leuleu-in tuili galkhat lama om ama khua-ah a va tungkik hi.

Marka 1:45

Ahih hangin a mipa paikhia-in a paina khempeuhah hih thupiang khempeuh gen belin a nei hi. Hih thu nakgen lua-in kitheithang gawp ahih manin, tua hun a kipanin mite’ theihin khua sungah Jesuh lut thei nawn lo hi. Tua ahih manin gamdaihna munah amah om a, mun khempeuh panin ama kiangah mite a hong pai uh hi.

Marka 2:2

Mi tampi tak hong kikhawm uh ahih manin innsung khempeuh, kongkhak pualam nangawnah mi a dim hi. Jesuh in amaute kiangah Pasian’ thu hilhin a om laitakin,

Marka 3:20

ama kiangah mihonpi hong kikhawmkik zel ahih manin Jesuh le a nungzuite in an nangawn ne thei lo uh hi.

Marka 7:17

Mihonpite nusia-in inn sungah a lut khit ciangin a nungzuite in hih thugentehna thu a dong uh hi.

Marka 7:24

Tua lai panin Jesuh dingkhia-in Taia khuakiim gamah a pai hi. Inn khat sungah lut a, kuamah in a theih loh ding a ut hangin a busim thei kei hi.

Marka 9:28

Innsungah Jesuh a tumkhit ciangin a nungzuite in, “Bang hangin kote in dawi hawlkhia thei lo ka hi uh hiam?” ci-in a dongsim uh hi.

Luka 4:23

Tua ciangin Jesuh in amaute kiangah, “Paunak khatah, ‘Zato pa aw, nangmah kidamsak tawm in,’ a cihna thu kei tungah nong cihnop ding uh ka thei hi. ‘Kapernaum khua-ah na bawl thu ka zakte uh zong hih lai na khua-ah hong bawl in,’ zong nong cinuam ding uh hi,” a ci hi.

Luka 5:18

Mi pawlkhat in khutlekhezaw mi khat a lupna pheek tawh hong pua uh a, inn sungah paipihin Jesuh mai-ah koih ding a hanciam uh hi.

Johan 4:47

A tapa gim mahmahin si dektak ahih manin, Judea gam panin Galilee gamah Jesuh hong paina thu a zak ciangin ama kiangah va pai a, Kapernaum khua-ah Jesuh hong pai-in a tapa a damsak nadingin a va thum hi.

Sawltak 2:6

Hih huging a zak uh ciangin mihon tampi tak hong kikhawm uh a, hih Jesuh a um mite’ thugen pen amau’ pau ciatin za uh ahih manin lamdang a sa mahmah uh hi.