Marka 13:2 - Tedim Bible

² Jesuh in, “Hih innte liansa-in thupi na sa mahmah hi. Ahi zongin hih innte lamna-a a kiciang suangte nih bek nangawn a kithuapna a om lo zah dongin a kiphelkek gawp hun hong tung ding hi,” ci-in a dawng hi.

Tedim Bible Revision 2017

² Jesu in, “Hih innte lian sa-in thupi na sa mahmah hi. Ahi zongin hih innte lamna-a a kiciang suangte nih bek nangawn a kithuapna a om lo zah dongin a kiphel kek gawp hun hong tung ding hi,” ci-in a dawng hi.

Marka 13:2 Iomraidhean Croise

Jeremiah 26:18

“Judah kumpipa Hezekiah in a uk laitakin Moresheth khuami Mikah in Judah mi khempeuhte’ kiangah, ‘Lo dingin Zion mual a kikho ding hi. Jerusalem khua kisia zan ding a, biakinn mual, gamlak a suak ding hi, ci-in Vanglian Topa in gen hi,’ ci hi.

Daniel 9:26

Tua hun a bei khit ciangin sathau kinilh pa thuman lopi-in a kithat ding hi. Galsim dingin a hong pai galkapmang lianpa in khuapi le biakinnpi a susia ding hi. A beina pen tuiciin tun bang hi ding a, a tawp dongin galdona le kisiatna vive ahi dingin Pasian in thu a khenzo hi.

Micah 3:12

Tua ahih manin note’ hangin lo khawh bangin Zion kikho-in, Jerusalem, nin kipaihna phualpi hong suak ding a, biakinn omna mual, gamlak a suak ding hi.

Mattiu 24:2

Ahi zongin Jesuh in amaute kiangah, “Hihte khempeuh na mu khinta uh hi. Ke’n a mantak a kong genin-ah: Hih inn lamna-a a kiciang suangte a kithuapin a om nangawn a om nawn lo zah dongin kilawnkeek mang ding hi,” ci-in a dawng hi.

Luka 21:6

“Tu-a na muh uh hih nate khempeuh a siatgawp ding hun hong tung ding hi. Inn lamna-a a kiciang suangte a kithuapin a om nangawn om nawn loin kiphelkekmang ding hi,” a ci hi.

Sawltak 6:14

Hih Nazareth khuami Jesuh in biakinnpi phelgawpin, Moses tung pek panin a hong kipan ngeina khempeuh khelmang ding hi, ci-in a thuhilhna ka za uh hi,” a cisak uh hi.

Mangmuhna 11:2

Ahi zongin biakinn pualam tualte teh kei in. Minam dangte’ khut sungah kipia khin a, amaute in kha sawmli le nih sung Khuapi Siangtho tuancilgawp ding uh ahih manin tua a tualte teh loin nusia lel in.