Marka 10:1 - Tedim Bible

¹ Tua lai panin Jesuh dingkhia-in Judea gam le Jordan Gun gal gam tengah a pai hi. Ama kiangah mihon tampi hong kikhawmkik uh a, a hilh ngeisa bangin amaute tungah thu a hilh hi.

Tedim Bible Revision 2017

¹ Tua lai panin Jesu ding khia-in Judea gam le Jordan Gun gal gam tengah a pai hi. Ama kiangah mihon tampi hong kikhawmkik uh a, a hilh ngeisa bangin amaute tungah thu a hilh hi.

Marka 10:1 Iomraidhean Croise

Thuhilh-sia 12:9

Thugen Siampa, mipil ahih banah, amah in ama theihteng mite tungah a hilh hi. Amah in paunakte limtakin sin a, a man ahihna thu hoihtakin entel hi.

Jeremiah 32:33

Amaute in kei hong nungngatin hong maingat lo uh a, ka hilh tawntung hangin ka hilhna a hong mang kei uh hi.

Mattiu 26:55

Tua ciangin Jesuh in mihonte kiangah, “Gal le sa bangin hong ngaihsun a, keimah a man dingin namsau le molhtum tawh hong kuan na hi uh hiam? Nisimin biakinn sungah thu ka hilh niloh a, ahi zongin kei nong man kei uh hi.

Mattiu 4:23

Galilee gam sung khempeuhah Jesuh pai kawikawi a, amau’ kikhopna innte-ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Marka 1:21

Tua ciangin Kapernaum khua tung uh a, a Sabbath ni-in kikhopna inn sungah Jesuh pai-in thu hilh ding a kipan hi.

Marka 10:2

Farisi mi pawlkhat hong pai uh a, amah a mawhsak theih nading uh a deihna-in, “Mi khat in a zi a mathei ding mah ahi hiam?” ci-in a dong uh hi.

Marka 12:35

Jesuh in biakinn sungah thu a hilh laitakin, “Bang hangin Thukham hilh siate in Khrih pen David’ suan hi lel hi, ci thei uh ahi hiam?

Marka 14:49

Nisim nisimin biakinn sungah thuhilhin note tawh ka omkhawm a, ahi zongin nong man kei uh hi. Ahi zongin hih thu pen Lai Siangtho sunga a kigelh thu a tun nading ahi hi,” a ci hi.

Marka 2:13

Tua ciangin Galilee Tuili gei-ah Jesuh a paikik hi. Ama kiangah mihonpi hong pai uh a, Jesuh in tua mihonte thu a hilh hi.

Marka 4:2

Amah in thugentehna tawh thu tampi hilh a, a thuhilhna-ah:

Marka 6:2

A Sabbath ni ciangin kikhopna inn-ah thu a hilh hi. Ama thuhilh a za mi tampite in lamdangsa-in, “Hih pa in hih thute koi panin a ngah ahi hiam? Hih pa tungah a kipia pilna a bang pilna ahi hiam? Bangci-in nalamdang hici bawltheih ahi hiam?

Marka 6:34

Jesuh, tuigei a tun ciangin mi tampi a na omkhin mu a, amaute, a cing om lo tuute tawh kibang sa ahih manin a khasiat mahmah hi. Tua hi a, amaute thu tampi tak a hilh hi.

Marka 6:6

Amaute in amah a uploh manin lamdang a sa mahmah hi. Tua ciangin tua kiima om khuaneute-ah thuhilhin a pai kawikawi hi.

Johan 10:40

Tua ciangin Jordan Gun kantanin amah pai leuleu a, Johan in mite a tuiphum masakna munah tungin tua lai-ah a om hi.

Johan 11:7

Tua khit ciangin a nungzuite kiangah, “Judea gamah paikik ni,” a cih leh

Johan 18:20

Jesuh in, “Mi khempeuh’ theihin thu ka gen tawntung hi. Jew mihonpi a kikhopna innte le Biakinn sungah thu ka hilh a, thu ka sim genna om ngei lo hi.