Marka 1:1 - Tedim Bible

¹ Pasian’ Tapa Jesuh Khrih tawh kisai Lungdamna Thu hih bang ahi hi.

Tedim Bible Revision 2017

¹ Pasianʼ Tapa Jesu Khris tawh kisai Lungdamna Thu hih bang ahi hi.

Marka 1:1 Iomraidhean Croise

Late 2:7

Topa’ thukhenna tu-in ka hong gen ding hi: Amah in keima tungah, “Nang pen ka tapa na hi a, tuni-in na Pa ka suak hi.

Mattiu 14:33

Tua ciangin gunkuang sungah a om nungzuite in Jesuh bia uh a, “Pasian’ Tapa taktak na hi hi,” ci-in a gen uh hi.

Mattiu 17:5

Tua bangin a pau laitakun meiingo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

Mattiu 3:17

Tua sung mahin vantung panin aw khat hong ging a, “Hih pen ka it mahmah ka Tapa hi a, ama tungah ka lungkim mahmah hi,” a hong ci hi.

Mattiu 4:3

Tua ciangin ama kiangah Dawimangpa hong pai a, “Pasian’ Tapa na hih takpi le hih suangte anlum a suah nadingin thu pia in,” a ci hi.

Luka 1:35

Vantung mi in, “Nangma tungah Kha Siangtho hong tung ding a, nangma tungah Pasian’ vangliatna hong om ding hi. Tua ahih manin a hong suak ding a siangtho naungek pen Pasian’ Tapa kici ding hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasian’ pianzia a neihna ka mu cian uh hi. Hih pianzia pen Pasian’ Tapa khat bek hihna tawh a neih pianzia ahi hi.

Johan 1:34

Tua ahih manin hih mipa pen Pasian’ Tapa hi, ci-in thei ka hih manin teci ka pang hi,” a ci hi.

Johan 1:49

Tua ciangin Nethanel in, “Sia aw, nang, Pasian’ Tapa na hi hi. Israel mite’ Kumpi zong na hi hi,” a cih ciangin

Johan 20:31

Hih laibu sungah a kigelh thute pen Jesuh, Pasian’ Tapa, Khrih ahihna thu na uptheih nading uh le ama min hangin tua upna tawh nuntakna na ngahtheih nading uh deihna tawh a kigelh ahi hi.

Johan 3:16

Pasian in leitung mite hong it mahmah ahih manin ama Tapa a um mi khempeuh si nawn loin a hin tawntung theih nadingun a Tapa neihsun a hong piak dongin a hong itna a hong lak hi.

Johan 6:69

Tu-in nang ka hong um uh a, Pasian kiang panin a hong pai a Siangtho Pa na hihna thu ka hong thei uh hi,” ci-in a dawng hi.

Sawltak 13:24

Jesuh in nasep a kipat ma-in, a mawhna panun kisikin tui a kiphum nadingun Johan in Israel mi khempeuh tungah thu a hilh hi.

ROM (Romans) 8:3

Mihingte thahat lo ihih manin Thukham in ahih zawh loh thute Pasian in a hihzo hi. Mawhna a beisak theih nadingin mihingte sunga om mawhna tungah thu a khenna-in ama Tapa hong sawl a, amah pen mihingte’ mawhna lungsim mah a nei-in a hong pai hi.

ROM (Romans) 8:32

Ama Tapa nangawn siit loin eite khempeuh a dingin hong piakhia ahih manin, na dang khempeuh zong hong piazaw kan ding hi lo ahi hiam?