Luka 4:2 - Tedim Bible

² Dawimangpa in ni sawmli sung a ze-et hi. Tua hun sung Jesuh in bangmah ne lo a, tua ze-etna hun a bei ciangin a gil kial mahmah hi.

Tedim Bible Revision 2017

² Dawimangpa in ni sawm li sung a ze-et hi. Tua hunsung Jesu in bangmah ne lo a, tua ze-etna hun a bei ciangin a gil kial mahmah hi.

Luka 4:2 Iomraidhean Croise

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim ding a, nang in ama khetul na sunim ding hi,” a ci hi.

1 KUMPI MASATE 19:8

Tua ciangin amah tho a, an ne-in tui dawn a, tua an thahatna tawh Pasian’ mual Horeb ciang dong sun sawmli le zan sawmli sung a pai hi.

Esther 4:16

“Pai-in Susa khua sunga om Jew mi khempeuh khawm inla, keimah ngaihsutna-in an na tang un. A sun a zan ci loin ni thum sung an ne lo, tui dawn loin na om un. Na tan’ uh mah bangin kei le ka nasem numeite in zong ka na tang ding uh hi. Tua khit ciangin ngeina ahihloh hangin kumpipa kiangah ka va pai ding hi,” a ci hi.

Paikhiatna 24:18

Meii sungah Moses tum a, mualtungah paito hi. Moses sun sawmli le zan sawmli sung mualtungah a om hi.

Paikhiatna 34:28

Tua lai-ah sun sawmli le zan sawmli sung Topa tawh Moses om a, tua hun sungteng anletui a ne kei hi. Amah in suangpek tungah thuciamna kammalte ahi thupiak sawmte a gelh hi.

Jonah 3:7

Tua ciangin amah in Nineveh khuasung khempeuhah thu thangsakin taangkosak a, “Kumpipa le uliante’ thu tawh: Mihing ahi a, ganhing ahi zongin, bawnghon ahi a, tuuhon ahi zongin, kuamah in bangmah ciam thei lo ding, an ne thei lo ding, tui dawn thei lo ding uh hi.

Mattiu 21:18

A zingsang ciangin khuapi zuanin hong paikik laitakin Jesuh a gil a kial hi.

Mattiu 4:2

Jesuh in sun sawmli le zan sawmli sung an ne loin omkhin ahih manin a gil a kial hi.

Luka 4:3

Dawimangpa in Jesuh kiangah, “Pasian’ Tapa na hih takpi leh hih suang anlum suaksak in,” a ci hi.

Johan 4:6

Tua lo sungah tuikhuk khat om a, a khualzinna-in Jesuh gim ahih manin a tuikhuk gei-ah a tu hi. Tua hun pen sunkim laitak ahi hi.

Thu-hilhkikna 9:18

Tua ciangin a masa-a bangin sun sawmli le zan sawmli sung Topa’ mai-ah kunin ka om a, ama heh nadingin phinin, Topa’ muhna-ah a sia gamtatna tawh note’ khialhnate khempeuh hangin an ne lo, tui dawn loin ka om hi.

Thu-hilhkikna 9:25

“Tua ahih ciangin Topa in note ka susia ding ci ahih manin hih sun sawmli le zan sawmli sung Topa’ mai-ah kunin ka om hi.

Thu-hilhkikna 9:9

Topa in note tawh a bawl thuciamna suangpeekte a sang dingin mualtungah ka paitoh lai-in, mualtungah sun sawmli le zan sawmli sung ka om a, an ne lo, tui dawn loin ka om hi.

Hebru 2:18

Ama pumpi mahmah in ze-etna le gimna thuak ahih manin tuhun ciangin tua bang a thuakte a hong huhthei hi.

Hebru 4:15

Eite’ neih Siampi Lianpen pa in i ginat lohna-ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.

1 SAMUEL MASA 17:16

Ni sawmli sung zing le nitakin Filistia-pa hong pai-in hong ding zelzel hi.