Luka 2:2 - Tedim Bible

² Kuirinias in Syria gam a uksawn hun laitakin hih bangin mi phazah kisimna thu hong piang hi.

Tedim Bible Revision 2017

² Kuirinias in Syria gam a uk sawn hun laitakin hih bangin mi phazah kisimna thu hong piang hi.

Luka 2:2 Iomraidhean Croise

Mattiu 4:24

Syria gam sung khempeuhah ama thu kizel ahih manin dawivei mi, sibup mi, khutzaw khezaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Luka 2:1

Tua hun laitakin gam tampi a uk Sisar Augustas in ama ukna gam sung mi a phazah a kitheih nadingin mi khempeuh min sazian a kilak nadingin thu a pia hi.

Luka 2:3

Tua ahih manin amau khua ciatah min pia dingin mi khempeuh a pai uh hi.

Luka 3:1

Gam tampi a uk Sisar Tiberius in a ukzawh a kum sawm le ngana, Pontias Pilat in Judea gam ukin, Herod in Galilee gam ukin, a nau Filip in Iturea gam le Trakhonitis gam ukin, Lysanias in Abilene gam uk a,

Sawltak 13:7

Tua mipa pen tua tuikulh a uksawn, a pil mahmah Sergius Paulus tawh a kithei mahmah mi khat ahi hi. Tua gam ukpa in Pasian’ thu zanuam ahih manin Barnabas le Saul a sam hi.

Sawltak 18:12

Rom khutnuai-ah Akhaia gam sung a uk dingin Gallio a kikoih ciangin Jew mite hong kikaikhawm uh a, Paul manin zumah a paipih uh hi.

Sawltak 23:26

“A Lian Menzipa aw, Keimah Klaudias Lysias in hopihna lai ka hong gelh hi.

Sawltak 26:30

Tua ciangin kumpi Agrippa le menzi Festas hong ding uh a, Bernis le a tutpih midangte zong hong ding khia uh hi.

Sawltak 5:37

Hih thu a pian’ khit ciangin, mi bangzah pha hiam, ci-in gam sung mi khempeuh a kisim laitakin Galilee mi Judas a kici mi khat hong khang leuleu a, amah in zong nungzui mihonpi mah a nei hi. Amah zong kithat leuleu a, a nungzuite kithehthangin maimang hi.