Luka 1:9 - Tedim Bible

⁹ Siampite’ hih ngeizel bangin biakna tau tungah, paknamtui kua in hal ding, ci-in ai a kisan ciangin Zekhariah in a ngah hi. Tua ahih manin Topa’ biakinn sungah amah lut a,

Tedim Bible Revision 2017

⁹ Siampiteʼ hih ngei zel bangin biakna tau tungah, paknamtui kua in hal ding, ci-in ai a kisan ciangin Zekhariah in a ngah hi. Tua ahih manin Topaʼ biakinn sungah amah lut a,

Luka 1:9 Iomraidhean Croise

1 KHANG TANGTHU MASATE 23:13

Amram’ tapate: Aaron le Moses ahi uh hi. Amah le a tapate in Topa’ mai-ah paknamtui a hal tawntung ding le ama na semin ama min tawh thupha a piak tawntung theih nadingin a siangtho pen nate a ap dingin Aaron kituam koih hi.

1 KHANG TANGTHU MASATE 6:49

Aaron le a tapate in Pasian’ nasem Moses’ thupiaksate khempeuh bangin siangtho pen mun nasepnate khempeuh le Israel mite a dingin kilemna a bawl dingin meihal biakna tau tung le paknamtui biakna tau tungah piakna a bawl uh hi.

2 KHANG TANGTHU NIHNATE 26:16

Ahih hangin amah a thahat ciangin a siat nadingin a kiphatsakna hong khang hi. Bang hang hiam cih leh Topa a Pasian tungah amah khial a, paknamtui biakna tau tungah paknamtui hal dingin Topa’ biakinn sungah a lut hi.

2 KHANG TANGTHU NIHNATE 29:11

Ka tate aw, Topa in ama omna-ah a ding ding, ama na a sem ding, le ama nasemte hi-in ama tungah paknamtui a hal dingin note hong teel khin ahih manin tu-in mawk om kei un,” a ci hi.

Gamlak-vakna 16:40

Topa in Moses tungtawnin Eleazar tungah a gen bangin Korah le a pawlte tawh a kibang kha lo dingin, siampi ahi lo, Aaron’ suanlekhakte ahi lo mi peuhmah, Topa’ mai-ah paknamtui hal dingin a pai loh nading, Israel mite tungah phawksakna khat ahi hi.

Mattiu 27:5

Tua ciangin amah in biakinn sungah a ngun peekte lawnin paikhia a, amahmah a gui-awk hi.

Hebru 9:6

Hih bang tengin a kibawl khit ciangin a dei puanung sungah nisim a nasep uh a sem dingin siampite a lut hi.

1 SAMUEL MASA 2:28

Israel minamte khempeuh sung panin amah ka siampi ahi ding, ka biakna tau-ah a pai ding, paknamtui a hal ding, keima mai-ah siampipuan a silh dingin ka teel hi. Israel mite’ tung panin mei tawh kihal keimah hong kibiaknate khempeuh na pupi innkuan tungah ka pia hi.