Luka 1:15 - Tedim Bible

¹⁵ Topa’ muhna-ah amah milian khat hi ding hi. Amah in leenggahzu ahi a, khamtheihzu khat peuhpeuh ahi zongin ne lo ding hi. A suah phet a kipanin Kha Siangtho tawh kidim ding hi.

Tedim Bible Revision 2017

¹⁵ Topaʼ muhna ah amah mi lian khat hi ding hi. Amah in leenggahzu ahi a, khamtheih zu khat peuhpeuh ahi zongin ne lo ding hi. A suah phet a kipanin Kha Siangtho tawh kidim ding hi.

Luka 1:15 Iomraidhean Croise

Piancilna 12:2

Thupha a ngah dingin minam lian khatin nang hong bawlin, thupha hong pia-in, na min kong liansak ding hi.

Piancilna 48:19

Ahih hangin a pa in nial a, “Ka thei hi, ka ta aw; ka thei hi. Amah zong mi khat suak ding a, amah zong lian ding hi. Ahi zongin amah sangin a naupa lianzaw ding a, a suanlekhakte, minam lianpi khat suak ding hi,” a ci hi.

1 KHANG TANGTHU MASATE 17:8

Na paina peuhpeuhah nang tawh kong omkhin a, na mai panin na galte khempeuh ka susia hi. Leitung miliante khat min bangin nang a dingin min khat kong bawlsak ding hi.

1 KHANG TANGTHU MASATE 29:12

Hauhna le minphatna nangma kiang pan hong pai a, nangmah in na khempeuh tungah na uk hi. Na khut sungah vangliatna le minthanna om a, liatsakna ding le thakhauhsakna ding na khut sungah om hi.

Late 22:9

Ahih hangin nang pen gil sung panin kei a hong suaksakpa na hi a, ka nu’ ang sungah a muanhuai-in keimah na hong kem hi.

Jeremiah 1:5

“Gil sungah kong bawl ma-in nang kong thei khinzo hi. Na suah ma-in nang kong teelkhia khinzo a, minam dangte tungah kamsang dingin kong koih khinzo hi,” hong ci hi.

Jeremiah 35:6

Ahih hangin amaute in, “Kote in leenggahzu ka ne kei ding uh hi. Bang hang hiam cih leh Rekhab’ tapa, ka pu uh Jonadab in thu hong pia a, ‘Note a kipan na ta na tute un leenggahzu na ne ngei peuhmah kei ding uh hi.

Siampi Laibu 10:9

“Nang hitaleh na tapate hitaleh kikhopna bukah na pai uh ciangin leenggahzu hitaleh khamtheih zu hitaleh ne kei un. Na nek uhleh na si ding uh hi. Tua pen na suan na khakte uh tungah khang tawntungin ngeina kip khat hi ding hi.

Zekhariah 9:15

Vanglian Topa in ama mite hu ding a, ama mite in a galte uh susia ding hi. Galdona sungah zukham bangin awng gawp ding uh a, a galte uh’ sisan luangsakgawp ding uh hi. Biakna site, biakna tau tungah hai a sun tawh kibangin a luangsak ding uh hi.

Luka 1:14

Amah hong suah ciangin nang na lungdam mahmah ding a, midang tampite in zong hong lungdampih ding uh hi.

Luka 7:28

Johan pen leitung mihing sung khempeuh panin a lianpen ahi hi. Ahi zongin Pasian’ Ukna sunga a om mi a neupen i cihte nangawn Johan sangin lianzaw lai hi,” a ci hi.

Luka 7:33

Bang hang hiam cih leh Tuiphumpa Johan hong pai a, amah in zu le an tangin a om ciangin, ‘Dawivei hi,’ a ci uh hi.

Johan 5:35

Johan pen meivak bangin kuangin a taang hi a, ama khuavak sungah tawlkhat nuamsa-in om ding na ut uh hi.

Sawltak 2:4

Amaute khempeuh Kha Siangtho tawh kidim uh a, tua Kha in minam dangte’ pau tawh amaute a pau theisak hi.

Galati 1:15

Ahi zongin Pasian in a hong hehpihna tawh ka suahma pekin kei hong teelin ama na a sem dingin hong sam khin hi. Keimah in ama Tapa hanga lungdamna thu, Gentail mite lakah ka hilhtheih nadingin kei tungah a Tapa hong kilatsak hun laitakin kuama kiangah thu dongin ka pai kei a,

Efesa 5:18

Zu in mi siasak thei ahih manin zu ne kei unla, Kha Siangtho tawh a kidimin omzaw un.

Joshua 3:7

Tua ciangin Topa in Joshua kiangah, “Moses tawh ka omkhawm bangin nang tawh kong omkhawm nading thu amaute in a theih nadingun Israel mite khempeuh muhna-ah tuni-in nang liatsak ding ka kipan ding hi.

Joshua 4:14

Tua ni-in Israel-te khempeuh’ muhna-ah Topa in Joshua liansak hi. Amaute in Moses lamdangsa-in a om uh mah bangin Joshua a nuntak sung tawntung lamdangsa-in a om uh hi.