Kolose 3:3 - Tedim Bible

³ Note a sikhin na hi uh a, note’ nuntakna pen Khrih tawh Pasian’ sungah a kiseelkhawm ahi hi.

Tedim Bible Revision 2017

³ Note a si khin na hi uh a, noteʼ nuntakna pen Khris tawh Pasianʼ sungah a kiseel khawm ahi hi.

Kolose 3:3 Iomraidhean Croise

Mattiu 11:25

Tua ciangin Jesuh in, “Vantung le leitung Topa ahi ka Pa aw, mipilte le misiamte tungah na ip hih thute, bangmah a thei lo hih mite tungah lak na hih manin ka nuam hi.

Johan 14:19

Tawlkhat khit ciangin leitung mite in kei hong mu nawn lo ding uh hi. Ahi zongin kei ka nuntak mah bangin note zong nungta ding na hih manun note in kei na hong mu ding uh hi.

Johan 3:16

Pasian in leitung mite hong it mahmah ahih manin ama Tapa a um mi khempeuh si nawn loin a hin tawntung theih nadingun a Tapa neihsun a hong piak dongin a hong itna a hong lak hi.

Johan 4:14

ahi zongin keima piak ding tui a dawn khempeuh dangtak kik nawn lo ding uh hi. Tua ka piak tui a dawnte sungah nuntakna tuinak piang ding a, a nungtasak paisuak ding hi,” a ci hi.

Johan 5:21

Pa in mi sisate nangawn thosakin a nuntaksak mah bangin Tapa in zong a ut peuhpeuh nungtasak thei hi.

Johan 5:24

“A mantakin kong genin-ah: Ka thugennate za-in kei hong sawl pa a um khempeuh a nungta paisuak ding hita hi. Mawhsak thukhenna ngah nawn loin, sihna panin a hingkik ta ahi hi.

Johan 5:40

na nuntak theih nadingun kei kiangah nong painuam kei veve uh hi.

ROM (Romans) 5:10

Pasian tawh eite i kilangneih laitakin ama Tapa’ sihna hangin amah tawh hong kilemsak ahihleh tu-in Pasian tawh kipawl khinta ihih manin Khrih nuntakna in eite hong honkhiazo zaw kan ding hi lo ahi hiam?

ROM (Romans) 5:21

Tua ahih manin mawhna thahatin hong sihsak mah bangin, i Topa Jesuh Khrih hangin Pasian’ hehpihna thahat zaw lai a, mihoihin hong sangin nuntak tawntungna sung a hong tunpih hi.

ROM (Romans) 6:11

Tua mah bangin note zong Khrih Jesuh tawh kipawlin mawhna thu-ah si-in, Pasian’ thu-ah a nungta-in na kingaihsut ding uh ahi hi.

ROM (Romans) 6:2

Tua bang hi dek lo ding hi. Mawhna thu-ah a si eite in bangci-in mawhna bawl thei nawn ding ihi hiam?

ROM (Romans) 8:2

Bang hang hiam cih leh Khrih Jesuh tawh a hong kipawlsak Kha Siangtho in mawhna le sihna a piangsak thukham panin kei hong suaktasak khinta hi.

1 KORIN MASA 15:45

Tua ahih manin Lai Siangtho in, “A masa Adam pen leitung nuntakna a nei mihing hong suak hi,” na ci hi. Ahi zongin a nunung Adam pen nuntakna a pia thei Kha ahi hi.

1 KORIN MASA 2:14

Ahi zongin Kha Siangtho a nei lo mite in Pasian’ Kha Siangtho in a hong piak nate sang thei lo uh hi. Kha Siangtho a nei mite bek in theithei uh ahih manin amaute in tel thei lo uh a, amau a dingin a haihuai thu khat ahi lel hi.

2 KORIN NIHNA 5:14

Mi khempeuh a dingin mi khat si khin ahih manin mi khempeuh zong a ngeina lui uhah si khinta hi, ci-in ka theihna hangun tua Khrih’ itna in kote’ nuntakna hong uk hi.

2 KORIN NIHNA 5:7

Muhna hang tawh lungmuangin a om hi loin upna hang tawh lungmuang takin a om ka hi uh hi.

Galati 2:20

Tua ahih manin tuhuna ka nuntakna zia pen kei hang hi nawn loin ka sungah a hong om Khrih hang ahi hi. Tua hi a, keimah hong itin, keima a dingin a nuntakna a hong pia Pasian’ Tapa ka muanna tawh tu laitakin a nungta ka hi hi.

Efesa 3:9

le Pasian in a geelsim thute a kisep khiatna thu mi khempeuh a musak dingin Pasian in kei tungah hih hamphatna hong pia hi. Tuhun laitakin vantung a uk van mite in pawlpi’ hangin Pasian’ pilna a nam tuamtuamin a muhtheih nadingun na khempeuh a bawl Pasian in a beisa hunah hih thu khempeuh a imcip hi.

Filippi 4:7

Mihingte in a theihtel zawh loh Pasian’ hong piak lungsim nopna in, Khrih Jesuh tawh na kipawlna uh hangin note hong lungnuamsak ding hi.

Kolose 1:5

Thu dang na zakma un, lungdamna thuman taktak na zak uh ciangin lametna na nei uh hi. Note a dingin vantungah a hong kikoihsak tua lametna hangin note in muanna le itna a nei na hi uh hi.

Kolose 2:20

Khrih tawh sikhawm khin na hih manun huihlak a ukte’ khutsung panin a suakta khin na hi uh hi. Tua hinapi-in, bang hangin hih leitung mite bangin gamta na hi uh hiam? Bang hangin ngeina a tuamtuamte,

Kolose 2:3

Khrih pen Pasian’ pilna le a thuthuk khempeuh a kitheihtheih nading ahi hi.

Kolose 3:4

Note’ nuntakna taktak Khrih ahih manin amah hong kilat ciangin note zong amah tawh hong kilang khawmin amah tawh na minthang khawm ding uh hi.

Hebru 7:25

Tua hi a, mite a dingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipanin a tawntungin a honkhia thei ahi hi.

1 PETER MASA 3:4

Pasian’ muhna-ah a manpha mahmah ahi lungsim puakzia, a tul thei lo sunglam hoihna na bulphuh zaw un.

1 PETER MASA 4:2

Tua ahih manin tu a kipanin na leitung nuntak sung uh mihingte’ deihna bangin gamta loin Pasian’ deihna bangin na gamtat ding uh ahi hi.

1 JOHAN MASA 3:2

Ka lawm itte aw, eite’ pianzia ding taktak a telin hong kilat nai loh hangin tu-in Pasian’ tate ihi hi. Ahi zongin Khrih hong kilat ciangin ama pianzia ahi bang teekteekin mu ding ihih manin amah i bat nading thu teltakin i thei hi.

Mangmuhna 2:17

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mi tungah a kiselcip manna an pawlkhat le min thak a kigelhna suangkang khat ka pia ding hi. Tua suangkang pen a ngahte simloh kuamah dang in thei lo ding hi.