Kolose 1:3 - Tedim Bible

^3-4 Note in Khrih Jesuh na muanna uh le Pasian’ mite khempeuh na itna thu uh za ka hih manun note a’ ding thu ka hong ngetsak uh ciangin i Topa Jesuh Khrih’ Pa Pasian tungah lungdamna ka ko tawntung uh hi.

Tedim Bible Revision 2017

^3-4 Note in Khris Jesu na muanna uh le Pasianʼ mite khempeuh na itna thu uh za ka hih manun note ading thu ka hong ngetsak uh ciangin i Topa Jesu Khrisʼ Pa Pasian tungah lungdamna ka ko tawntung uh hi.

Kolose 1:3 Iomraidhean Croise

1 KORIN MASA 1:4

Jesuh Khrih hangin note tungah Pasian in hehpihna thupha hong pia ahih manin ka lungdamna thu, Pasian tungah ka ko tawntung hi.

2 KORIN NIHNA 1:3

Eite’ Topa Jesuh Khrih’ Pa ahi, hehpihna a nei Pa, i kisapna khempeuhah a hong huh Pasian in thupha ngah tahen.

Efesa 1:15

Note in Topa Jesuh na muanna thu uh le thu umte khempeuh na itna thu uh ka zak hun a kipanin,

Efesa 6:18

Kha Siangtho tawh kopin a tawntungin Pasian kiangah na kisapna khempeuh uh ngenin na thum unla, tatsat loin Pasian mi khempeuh a dingin thu na ngetsak un.

Filippi 4:6

Thu khat peuhpeuhah lunghimawh lua kei unla, na kisap bangbang uh, lungdamna tawh Pasian kiangah na ngen un.

Kolose 1:13

Amah in khuamial vangliatna panin eite hong honkhia-in, a lungmuanhuaina mun, a it a Tapa’ ukna sungah hong koih a,

Kolose 1:9

Tua bangin note’ thu ka zak uh hun a kipanin Pasian kiangah thu ka hong ngetsak uh a, kha thu tawh kisai pilna le theihtelnate nei-in, Pasian’ deihna na theihtheih nadingun ka hong ngetsak uh hi.

1 THESALONIKA MASA 1:2

Note khempeuh hangin Pasian tungah lungdamna ko tawntungin, ka thungetna uhah note ka hong phawk tawntung uh hi.

2 TIMOTI NIHNA 1:3

A sun a zanin ka thungetna-ah nang ka hong phawk tawntung a, ka pu ka pate’ sep mah bangin kisuanna lungsim om hetloin a na ka sep Pasian tungah ka lungdamna ka ko hi.