Joshua 9:4 - Tedim Bible

⁴ amaute in khembawl ding vaihawm uh a, lam-an bawlin, a late uh tungah a paatsa ip le a paatsa leenggahzu um, a kikeek leh a kiphopte suanin,

Tedim Bible Revision 2017

⁴ amaute in khembawl ding vaihawm uh a, lam-an bawlin, a late uh tungah a paat sa ip le a paat sa leenggahzu um, a kikeek leh a kiphopte suanin,

Joshua 9:4 Iomraidhean Croise

Piancilna 34:13

Shekhem in a sanggamnu uh Dinah siasak khin ahih manin Jakob’ tapate in Shekhem le a pa Hamor khemna tawh dawng uh hi.

Late 119:83

Bang hang hiam cih leh kei pen meikhu lak a a kikoihdak savun-um tawh ka kibang a, ahi zongin nangma ngeina kipte ka mangngilh tuan kei hi.

Mattiu 10:16

“Ngiahon lakah tuu a kikhah bangin note hong sawlkhia ka hih manin gul bangin pilvang unla, vakhu bangin migi un.

Mattiu 9:17

Kuamah in savun um lui sungah leenggahzu thak thun lo hi. Kithun leh a savun um phukham ding a, a leenggahzu bua-in a savun um zong a sia a suak ding hi. Leenggahzu thak pen savun um thak sungah kithun bek hi. Tua ahih manin a nihin a sia om lo hi,” ci-in a dawng hi.

Marka 2:22

Kuamah in savun um lui sungah leenggahzu a thak thun ngei lo hi. Thun zenzen leh leenggahzu in savun um phukham ding a, a leenggahzu le a savun um, a nih tuakin a kisia suak ding hi. Tua ahih manin leenggahzu thak koih nadingin savun um thak kizang hi,” ci-in a dawng hi.

Luka 16:8

A diktat lo nasempa pen ama ngiansiamna hangin a topa in a pakta hi. Bang hang hiam cih leh Pasian thu a zui mite sangin leitung mihingte pen a nasepna uhah ngiansiam zaw uh hi.

Joshua 9:12

Hih lai-ah ka anlum uh om hi. No kiangah a hong pai dingin kong dinkhiat ni uh, khualzin lam-an dingin ka inn panun ka guan laitakun lum lai hi. Ahih hangin tu-in en un, keu-in ap hi.

Joshua 9:13

Hih leenggahzu umte ka thun laitakun a thak ahi hi. Tu-in en un, puakgawp ta hi. Hih ka puante uh le ka khedapte uh khual gamlapi zinna-in paatgawpta hi,” a ci uh hi.

Joshua 9:3

Ahih hangin Gibeon khua-a teng mite in Jerikho le Ai tungah Joshua’ hihnasa thu a zak uh ciangin

Joshua 9:5

a khe uhah a paatsa, a kiphop khedapte bulhin, a paatsa puante tawh a pai uh hi. A ante khempeuh uh zong keu-in ap hi.