Joshua 9:1 - Tedim Bible

¹ Jordan galkhat a om mualtung gam le lei niamna gam Lebanon lam Tuipi Lian dung khempeuhah a om kumpite, Hit mite, Amor mite, Kanaan mite, Perez mite, Hiv mite le Jebus mite in hih thu a zak uh ciangin

Tedim Bible Revision 2017

¹ Jordan gal khat a om mual tung gam le lei niamna gam Lebanon lam Tuipi Lian dung khempeuh ah a om kumpite, Hit mite, Amor mite, Kanaan mite, Perez mite, Hiv mite le Jebus mite in hih thu a zak uh ciangin

Joshua 9:1 Iomraidhean Croise

2 SAMUEL NIHNA 24:7

Tua ciangin Taia munmuanhuai le Hiv mite le Kanaan mite’ khuapite khempeuh tung uh hi. Tua panin Judah-te’ Negeb lam Beersheba-ah pai uh hi.

Paikhiatna 23:23

“Note’ mai-ah ka vantungmi pai-in Amor mite, Hit mite, Perez mite, Kanaan mite, Hiv mite, le Jebus mite kiangah note hong paipihin, keimah in amaute ka phiat khiat ciangin,

Paikhiatna 23:31

Keimah in San Tuipi panin Filistia mite’ tuipi ciang le sehnel gam panin Eufratis gun ciang dongah na gamgite uh ka phut ding hi. Bang hang hiam cih leh tua gam a teng mite note’ khut sungah kong pia ding a, note in na mai uh panin amaute na hawlkhia ding uh hi.

Paikhiatna 3:17

Egypt gam panin note hong lakhia-in Kanaan mite, Hit mite, Amor mite, Perez mite, Hiv mite, le Jebus mite’ leitang, bawngnawi le khuaizu a luanna leitangah note kong paipih ding ka kiciam hi,” ci hi,’ va ci in.

Paikhiatna 34:11

“Tuni-a kong thupiak zui in. En in, na mai-ah Amor mite, Kanaan mite, Hit mite, Perez mite, Hiv mite, le Jebus mite ka hawlkhia ding hi.

Gamlak-vakna 13:29

Amalek mite Negeb gamah teng uh hi. Hit mite, Jebus mite, le Amor mite, mualtung gamah teng uh hi. Kanaan mite tuipi gei le Jordan dungah teng uh hi,” ci-in a gen uh hi.

Gamlak-vakna 34:6

“Nitumna gamgi dingin Tuipi Lian le a gei dungteng na nei ding uh hi; hih pen nitumna lam na gamgi uh hi ding hi.

Thu-hilhkikna 1:7

Kithawi-in na khualzin uh kipan kik unla, Amor mite’ mualtung gam le Arabah kiim, mualtung gam, lei niamna gam, Negeb gam khempeuh, le Kanaan mite’ gam tuipi gei le Lebanon, gun golpi ahi Eufratis gun dongin pai un.

Thu-hilhkikna 3:25

Kei hong paisak inla, Jordan galkhat a om gam hoih, tua mualtung gam hoih le Lebanon hong musak in, ci-in kong thum hi,’ ka ci hi.

Thu-hilhkikna 7:1

“Topa na Pasian un luah dinga na tumna uh leitangah hong paipihin, note’ mai-ah Hit mite, Girgash mite, Amor mite, Kanaan mite, Perez mite, Hiv mite, le Jebus mite, note sangin lianzaw-in a thahatzaw minam sagihte note’ mai panin siangkhiasakin,

Joshua 1:15

note hong piak bangin Topa in na sanggamte uh tungah tawlngakna pia-in, Topa na Pasian un amaute a piak leitang amaute in zong a luah mateng uh na huh ding uh hi. Tua ciangin note’ neih leitangah ciahkikin, Topa’ nasem Moses in Jordan gal ni a suahna lamah note hong piak leitang na luah ding uh hi,” a ci hi.

Joshua 1:4

Sehnel gam le hih Lebanon panin gun lianpi Eufratis gun dong, ni a tumna lama Tuipi Lian lam, Hit mite’ leitang khempeuh nangma gam hi ding hi.

Joshua 10:23

Amaute in tua bangmahin hih uh a, leihawm panin tua kumpi ngate, Jerusalem kumpi, Hebron kumpi, Jarmuth kumpi, Lakhish kumpi, le Eglon kumpite, ama kiangah a paipih uh hi.

Joshua 11:17

Seir lamah a kikhungto Halak Mual panin Hermon Mual nuai Lebanon kuama om Baalgad ciang dong a la hi. Amah in amau’ kumpite khempeuh la-in amaute vatgawpin a that hi.

Joshua 13:5

le Gebal mite’ leitang, le Lebanon gam khempeuh, nisuahna lamah, Hermon Mual nuai-a Baalgad panin Hamath tumna ciang,

Joshua 15:12

Tua ciangin nitumna gamgi pen Tuipi Lian dungteng ahi hi. Hih pen amau’ beh tawh kizui-in Judah mite’ kiimah a gamgi ahi hi.

Joshua 22:4

Tu-in Topa na Pasian un amaute tungah a ciamsa bangin na sanggamte uh tawlngakna pia hi. Tua ahih ciangin Topa’ nasem Moses in note hong piak Jordan galkhat, note’ neihsa a omna leitang na inn uhah note ciah un.

Joshua 22:7

Tu-in Manasseh minam alangte tungah Moses in Jordan nisuahna lam Bashan gam sungah neihsa pia khin hi. Ahi zongin Joshua in alangte tungah Jordan nitumna lam a sanggamte kiang uhah neihsa a pia hi. Joshua in amaute a inn uhah sawlin thupha a piak ciangin

Joshua 23:4

En un, Jordan panin nitumna lama Tuipi Lian dong, a omlai minamte pen ka zawhsa minamte tawh na minamte uh gamh dingin note tungah kong pia khin hi.

Joshua 24:11

Tua ahih ciangin Jordan galkhatah pai-in Jerikho na tung uh a, Jerikho mite in note hong do uh hi. Amor mite, Perez mite, Kanaan mite, Hit mite, Girgash mite, Hiv mite, le Jebus mite in zong note hong do uh a, ahi zongin note’ khut sungah amaute kong pia hi.

Joshua 3:10

Joshua in, “A nungta Pasian note lakah a omna hih thu tawh na thei ding uh hi. Amah in pel loin note’ mai panin Kanaan mite, Hit mite, Hiv mite, Perez mite, Girgash mite, Amor mite, le Jebus mite hawlkhia ding hi.

Joshua 3:17

Israel-te khempeuh lei keu tungah a galkah sung, minam bup in Jordan a khen’ khit mateng, Topa’ Thuciamna Singkuang a pua siampite Jordan gun laizang lei keu tungah ding uh hi.

Joshua 5:1

Nitumna lam Jordan galkhat a om Amor mite’ kumpite khempeuh le tuipi gei-a om Kanaan mite’ kumpi khempeuh in, Israel mite in a kantan khit mateng amaute a dingin Jordan tuite Topa in a kansakna thu a zak uh ciangin lungmang uh a, Israel mite’ hangin a lungsim uh a bei hi.

Joshua 6:27

Tua bangin Topa in Joshua ompih a, gam khempeuhah ama min a thang hi.

Joshua 9:7

Ahih hangin Israel mite in tua Hiv mite kiangah, “Kote’ mai-ah a teng mite na hi khathei ding uh hi. Tua hileh note tawh thuciamna hong bangci bawltheih ding ka hi uh hiam?” a ci uh hi.