Joshua 8:3 - Tedim Bible

³ Tua ahih ciangin Joshua le galkap khempeuh Ai-ah a paito dingin kipan uh hi. Joshua in a tha kicing mi thahat tul sawmthum teel a, zanin tua mite a sawlkhia hi.

Tedim Bible Revision 2017

³ Tua ahih ciangin Joshua le galkap khempeuh Ai ah a pai to dingin kipan uh hi. Joshua in a tha kicing mi thahat tul sawm thum teel a, zanin tua mite a sawl khia hi.

Joshua 8:3 Iomraidhean Croise

Paikhiatna 17:9

Moses in Joshua kiangah, “Eite a dingin mi teel inla, pai-in Amalek mite tawh kido in. Zing ciangin, Pasian in ka tawi dingin a hong sawl ciangkhut tawi-in mual dawnah ka ding ding hi,” a ci hi.

Mattiu 24:39

Tuiciin hong tungin tui in mi khempeuh a tupcip hun ciang dong, kuamah in bangmah a theih loh mah bangin Mihing Tapa hong pai ciangin zong kuamah in theikhol lo ding uh hi.

Mattiu 24:50

a topa tung dingin a uploh ni hun khatpeuhin a topa hong tung ding a,

Mattiu 25:6

Ahi zongin zankim tak ciangin, ‘Zineipa hong tungta ding hi. Va dawn un,’ ci-in hong kiko hi.

1 THESALONIKA MASA 5:2

Bang hang hiam cih leh Topa hong pai ding Ni pen zan a gutate bangin theihkholh lohin hong tung ding hi, ci-in note in teltakin na theihsa uh ahi hi.

Joshua 10:7

Tua ahih ciangin Gilgal panin amah le galhang mite khempeuh le a thahat mi khempeuh tawh Joshua a kuanto hi.

Joshua 8:2

Jerikho le a kumpipa tungah na bawl bangin Ai le a kumpipa tungah na bawl ding a, a van kinusiate le a ganhingte bek note a dingin na la ding uh hi. A khuapi nungah a khuapi a sim dingin na buksim ding uh hi,” a ci hi.

Joshua 8:4

Amah in amaute thu pia a, “En un, tua khuapi a sim dingin a nungah na buksim ding uh a, khuapi panin gamlapi-ah na pai kei ding uh hi. Ahih hangin a kigingsa-in na om ding uh a,

2 PETER NIHNA 3:10

Ahi zongin theihkholh lohpi-in guta bangin Topa hong pai ding Ni hong tung ding hi. Tua Ni ciangin nakpitakin a ging in vantungte maimang sakin, vantung nate mei in kangtumin maimang ding a, leitung le a tunga om na khempeuh a mangthang ding hi.

Thukhente 9:32

Tua ahih ciangin tu-in na ompih mite tawh zanin pai unla, gamlakah pangsim un.