Joshua 8:29 - Tedim Bible

²⁹ Tua ciangin amah in nitak mateng sing khat tungah Ai kumpipa a khai hi. Ni a tum ciangin Joshua in thu pia a, amaute in sing tung panin a luang la sukin, khuapi kulhkongpi lutna-ah paai uh a, a tungah suangtum lompi ciang uh a, tuni dongin tua suangcian omlai hi.

Tedim Bible Revision 2017

²⁹ Tua ciangin amah in nitak mateng sing khat tungah Ai kumpipa a khai hi. Ni a tum ciangin Joshua in thu pia a, amaute in sing tung panin a luang la sukin, khuapi kulh kongpi lutna ah paai uh a, a tungah suangtum lompi ciang uh a, tu ni dongin tua suangcian om lai hi.

Joshua 8:29 Iomraidhean Croise

2 SAMUEL NIHNA 18:17

Tua ciangin amaute in Absalom la-in tulaka dum lianpi khat sungah amah paai uh a, ama tungah suangcian a lian mahmah khat ciang uh hi. Tua ciangin Israel-te khempeuh amau’ inn ciatah tai uh hi.

Esther 7:10

Tua ciangin kumpipa in, “Tua tungah amah khailum un,” a ci hi. Tua ahih ciangin Mordekai khailup nadingin a phuh khuam tungah Haman a khailum uh hi. Tua ciangin kumpipa’ hehna a dam hi.

Late 107:40

amah in, amau a bawlsiate tungah simmawhna buak sukin lampi om lohna gam sungah amaute a vakvaisak hi.

Late 110:5

Nangma taklamah Topa hong om a, ama heh ni-in kumpite a zogawp ding hi.

Johan 19:31

Tua ni pen Kigin’ ni hi a, a zing ciang Sabbath ni thupi diak ahih manin tua ni-in singlamteh tungah a luangte a omlai ding deih lo uh ahih ciangin Jerusalem khua-a Jew mi uliante, Pilat kiangah va pai-in a khete uh kuaitanin a luangte a lakkhiat nadingun a ngen uh hi.

Sawltak 12:23

Herod in mite, Pasian phatsak loin amah phatsak ahih manin thakhatin Topa’ vantungmi in Herod cinasak a, a hut in amah netumin a si hi.

Joshua 10:30

Topa in tua khua le a kumpipa zong Israel mite’ khut sungah a pia hi. Amah in namsau tawh tua khua le a sunga om mi khempeuh a vatgawp hi. Tua khua sungah bangmah siit lo a, Jerikho kumpipa tungah a bawl bangin a kumpipa tungah a bawl hi.

Joshua 10:33

Tua ciangin Lakhish a huh dingin Gezer kumpipa Horam hong kuanto hi. Ahi zongin khat zong a om nawn lo dongin Joshua in amah le a mite a vatgawp hi.

Joshua 12:9

A zawh uh kumpite: Jerikho kumpi, khat; Bethel gei-a om Ai kumpi, khat;

Joshua 7:26

Tua ciangin amaute in tuni donga a om suang honpi ama tungah a ciang uh hi. Tua ciangin Topa’ hehluatna a dai hi. Tua ahih ciangin tu dongin tua mun pen Akhor Kuam, kici hi.

Joshua 8:23

Ahih hangin amaute in Ai kumpipa hingmatin Joshua kiangah a paipih uh hi.