Joshua 8:2 - Tedim Bible

² Jerikho le a kumpipa tungah na bawl bangin Ai le a kumpipa tungah na bawl ding a, a van kinusiate le a ganhingte bek note a dingin na la ding uh hi. A khuapi nungah a khuapi a sim dingin na buksim ding uh hi,” a ci hi.

Tedim Bible Revision 2017

² Jerikho le a kumpipa tungah na bawl bangin Ai le a kumpipa tungah na bawl dinga, a van kinusiate le a ganhingte bek note adingin na la ding uh hi. A khuapi nungah a khuapi a sim dingin na buk sim ding uh hi,” a ci hi.

Joshua 8:2 Iomraidhean Croise

2 KHANG TANGTHU NIHNATE 13:13

A nunglam panin amaute a hih dingin a pangsim ding pawlkhat Jeroboam in kual paisak hi. Tua ahih ciangin Judah mite’ mai-ah ama galkapte om a, a pangsimte amau’ nungah om hi.

2 KHANG TANGTHU NIHNATE 20:22

Amaute inla sa-in phat ding a kipat uh ciangin, Judah mite a sim dingin a hong pai Ammon mite, Moab mite, le Seir Mual gam mite a pangsim ding Topa in koih a, amaute kizo hi.

Late 39:6

Niliim bangin mihing pai kawikawi takpi hi. A mawkna-in amau lungkham takpi uh a, kua’ ngah ding cih thei lopi-in mite in na a khol uh hi.

Paunak 13:22

Midikte in a tu a tate’ luah ding gamh nei uh a, mawhneite’ neihsate ahihleh midikte a’ ding hi lel hi.

Paunak 28:20

A citak mipa in thupha tampi ngah ding a, a hau baih nuam mipa in gim tuak pelmawh ding hi.

Jeremiah 17:11

Thuman lopi tawh a hau mi pen ama tui lopi a keuhsak dingin a opsim vasa tawh kibang hi. A khanlai-in a neihsa teng taan ding a, a tawpna-ah mihaipi a suak ding hi.

Jeremiah 51:12

Babylon khuakulhpi tungah dial khai unla, galvil ding tampi koih un. Cingsak unla, galte a buksim dingin kithawi un. Bang hang hiam cih leh Babylon khua mite tawh kisai-in Topa in a gensa teng a geel khinzo a, a sem khinzo hi.

Thu-hilhkikna 2:35

I laksa a khuapi sunga van kinusiate tawh a ganhingte uh eima a dingin i la bek hi.

Thu-hilhkikna 20:14

Ahih hangin numeite le naupangte, ganhingte, khua sunga na dang khempeuh, a kinusiate khempeuh note a dingin na la ding uh a, Topa na Pasian un note hong piak ahi na langte uh vante na tang ding uh hi.

Thu-hilhkikna 3:2

Ahih hangin Topa in kei kiangah, ‘Amah kihta kei in; bang hang hiam cih leh amah le a mite khempeuh le a leitang nangma khut sungah kong pia khinzo hi. Heshbon-ah a teng Amor kumpipa Sihon na bawl bangin ama tungah na bawl ding hi,’ hong ci hi.

Joshua 10:1

Joshua in Ai a lakna zia, le Jerikho le a kumpipa tungah a bawl bangin Ai le a kumpipa tungah a bawlna, le Gibeon khuasunga teng mite in Israel-te tawh kilemna a bawlna le amaute lakah a omna thu Jerusalem kumpipa Adonizedek in a zak ciangin

Joshua 10:28

Tua ni-in Joshua in Makkedah khua la a, namsau tawh tua khua le a kumpipa vatgawp hi. A sunga om mi khempeuh susia mangin, bangmah siit lo a, Jerikho kumpipa tungah a bawl bangin Makkedah kumpipa tungah a bawl hi.

Joshua 11:14

Israel mite in tua khuapite sunga van kinusiate le ganhingte amau’ galzawh van dingin a la uh hi. Ahih hangin amaute a thah khit matengun namsau tawh vatgawp uh a, khat beek hingkhawi lo uh hi.

Joshua 6:21

Tua ciangin amaute in khuapi sunga om khempeuh numei le pasal, a moi a ham, bawngtalte, tuute, le late khempeuh namsau tawh thatmang khin uh hi.

Joshua 8:12

Tua ciangin amah in mi tulnga bang paipihin, khuapi nitumna lam Bethel le Ai kikalah a buksim dingin a koih hi.

Joshua 8:14

Ai kumpipa in hih thu a theih ciangin amah le tua khuapi mi khempeuh, Israel-te a do dingin manlangin kithawi-in Arabah lam paisukna-ah zingtungin a kuankhia uh hi. Ahih hangin khuapi nungah amah a buksim a omlam thei lo hi.

Joshua 8:19

Tua ciangin a buksimte diangkhia pah uh a, amah in a khut a zan khit phetin amaute tai-in khuapi sungah lut uh a, a khuapi la-in manlangin a hal uh hi.

Joshua 8:24

Amaute in a delhna gamlakah Ai khuami khempeuh thatin, amaute khempeuh a bei dongin namsau tawh a thah uh a man khit uh ciangin, Israel-te khempeuh Ai-ah paikikin Ai khuami a omlaite namsau tawh a vatgawp uh hi.

Joshua 8:3

Tua ahih ciangin Joshua le galkap khempeuh Ai-ah a paito dingin kipan uh hi. Joshua in a tha kicing mi thahat tul sawmthum teel a, zanin tua mite a sawlkhia hi.

Joshua 8:7

Tua ciangin na buksimna panun note na kipan ding uh a, khuapi na la ding uh hi. Bang hang hiam cih leh Topa na Pasian un note’ khut sungah hong pia ding hi.

Joshua 8:8

Khuapi na lak khit uh ciangin Topa’ hong sawlna bangin hihin, mei tawh khuapi na hal ding uh hi. Note thu kong piak khitna thei un,” a ci hi.

Joshua 8:9

Tua ahih ciangin Joshua in amaute a sawlkhia hi. A buksimna ding uh munah amaute pai-in, Ai nitumna lam, Bethel le Ai kikalah pang uh a, ahih hangin tua zanin giahphual a mite lakah Joshua omlai hi.

Joshua 9:3

Ahih hangin Gibeon khua-a teng mite in Jerikho le Ai tungah Joshua’ hihnasa thu a zak uh ciangin