Joshua 8:18 - Tedim Bible

¹⁸ Tua ciangin Topa in Joshua kiangah, “Na khutsunga om teipi Ai lamah zan in. Bang hang hiam cih leh na khut sungah tua khua kong pia ding hi,” a ci hi. Tua ciangin Joshua in a khutsunga om teipi khuapi lamah a zan hi.

Tedim Bible Revision 2017

¹⁸ Tua ciangin Topa in Joshua kiangah, “Na khut sunga om teipi Ai lamah zan in. Bang hang hiam cih leh na khut sungah tua khua kong pia ding hi,” a ci hi. Tua ciangin Joshua in a khut sunga om teipi khuapi lamah a zan hi.

Joshua 8:18 Iomraidhean Croise

JOB (Job) 15:25

“Pasian langpangin a khuttum a lahsan, Vanglianpa a dem mipa in hih bang thute a thuak hi.

JOB (Job) 39:23

Amaute’ tungah a tuang mite’ galhiam, lum le teite a tee zalzal hi.

Paikhiatna 14:16

Israel mite in lei keu tungtawnin tuipi a kantan theih nadingin na ciangkhut laamto inla, tuipi tungah na khut zanin tuipi khenkham in.

Paikhiatna 8:1

Tua ciangin Topa in Moses tungah, “Faro’ kiangah pai-in ama tungah, Topa in hih bangin ci hi: “Amaute in keimah hong biak theih nadingin ka mite paisak in.

Paikhiatna 8:5

Topa in Moses tungah, “Aaron kiangah hih bangin gen in: ‘Gunte, luite, le tuilite tungah na ciangkhut zan inla, Egypt leitang tungah uiphukte paisak in,’ ci-in gen in,” a ci hi.

Ezekiel 30:25

Amah ka thaneemsak ding a, Babylon kumpipa ka thakhauhsak ding hi. Tua ciangin Topa ka hihna thu amaute in hong thei ding uh hi. Babylon kumpipa’ khut sungah ka namsau ka piak ciangin amah in Egypt lam a ngat ding hi.

Joshua 8:17

Ai khuasung pan Israel-te a delh lo pasal khat beek om lo uh a, khuapi kong honsa-in nusia-in Israel-te a delh uh hi.

Joshua 8:19

Tua ciangin a buksimte diangkhia pah uh a, amah in a khut a zan khit phetin amaute tai-in khuapi sungah lut uh a, a khuapi la-in manlangin a hal uh hi.

Joshua 8:26

Bang hang hiam cih leh Ai khuami khempeuh a suksiatmang khit matengin amah in a teipi a zanna a khut dokkik lo hi.

Joshua 8:7

Tua ciangin na buksimna panun note na kipan ding uh a, khuapi na la ding uh hi. Bang hang hiam cih leh Topa na Pasian un note’ khut sungah hong pia ding hi.

1 SAMUEL MASA 17:41

Tua ciangin a mai-ah a lum puapa tawh Filistia-pa hong pai-in David hong naih hi.

1 SAMUEL MASA 17:45

Tua ciangin David in Filistia-pa kiangah, “Namsau, teipi, le teikhawh tawh kei kiangah nang nong kuan hi. Ahih hangin kei pen Israel galkapte’ Pasian, a Vanglian Topa, nangmah in na to mipa’ min tawh nang kiangah kong kuan hi.

1 SAMUEL MASA 17:6

Amah in a khete tungah sumngo ngaltuam bulh a, a liangko-ah sumngo teipi khawh kikhai hi.