Joshua 8:1 - Tedim Bible

¹ Tua ciangin Topa in Joshua kiangah, “Lau kei inla lungkia kei in. Galkap khempeuh nang kiangah la inla, kithawi-in Ai-ah paito in. Nangma khut sungah Ai kumpipa le a mite, a khuapi, le a leitang kong piak khitna thei in.

Tedim Bible Revision 2017

¹ Tua ciangin Topa in Joshua kiangah, “Lau kei inla lungkia kei in. Galkap khempeuh nang kiangah la inla, kithawi-in Ai ah pai to in. Nangma khut sungah Ai kumpipa le a mite, a khuapi le a leitang kong piak khitna thei in.

Joshua 8:1 Iomraidhean Croise

Late 27:1

Topa, ka khuavak le hong honpa ahi hi. Kua kihta ding ka hi hiam? Topa, kei a dingin munmuanhuai ahi hi. Bang laupih ding ka hi hiam?

Late 44:3

Bang hang hiam cih leh amaute in namsau tawh leitang ngah lo uh a, amau’ khut in amaute’ tungah gualzawhna pia lo hi. Na khut taklam le na baan, na hehpihna maipha hizaw hi. Bang hang hiam cih leh amaute tungah nang na lungkim hi.

Late 46:11

Vanglian Topa, eite tawh hong omkhawm a, Jakob’ Pasian, eima belh ahi hi.

Isaiah 12:2

En in, Pasian pen kei a hong honkhia pa ahi hi. Amah ka muang ding a, ka lau kei ding hi. Bang hang hiam cih leh Topa Pasian in thahatna le vangliatna hong pia a, amah pen kei a hong honkhia pa ahi hi,” a cih hun uh hong tung ding hi.

Isaiah 43:2

Tuite na kantan ciangin nang kong ompih ding a, gunte na kantan ciangin tui in hong tuum lo ding hi. Mei kantanin na pai ciangin na kang kei ding a, meikuangte in nang hong kangtum lo ding hi.

Jeremiah 46:27

Ahih hangin lau kei un, ka nasempa Jakob’ suante aw. Patau kei un, Israel mite aw. Bang hang hiam cih leh gamlapi panin note kong honkhia ding a, na suanlekhakte uh saltanna gam panin kong honkhia ding hi. Jakob’ suante hong ciahkik ding uh a, nuamtakin a om ding uh hi. Kuamah in amaute a lausak nawn kei ding hi.

Jeremiah 49:3

Heshbon khuamite aw, kap un! Ai khua kisia khinta! Rabbah khua numeite aw, kap un! Puanhampi silh unla kap un. Khua lakah lung-amin kawi taitai un. Bang hang hiam cih leh na Milkom pasian uh le a siampite le a uliante hong kilak khiatsak ding hi.

Daniel 2:21

Amah in hun le khuahunte kheel a, kumpite koihin lah a lakhia hi. Amah in mite tungah pilna le theihna a pia hi.

Daniel 4:25

Mite sung panin hong kihawlkhia ding a, gamsate tawh na tengkhawm ding hi. Bawngtal bangin lopa na ne ding a, a pualamah lumin, kum sagih sung na tungah daitui a hong kia ding hi. Tua ciangin a Lian Pasian in mihingte’ kumpi gam uk a, a teel mi peuhpeuh kumpi suaksak thei hi, na ci ding hi.

Daniel 4:35

Amah in leitung mite bangmahin a sim kei a, vantung mite le leitung mite ama khutnuai ahi hi. Ama deihna kuamah in nial thei lo a, a bawlnate kuamah in a hang a kan thei kei hi.

Mattiu 8:26

Jesuh in, “Bang hangin tuaci lau na hi uh hiam? Na upna uh neu mahmah hi,” a cih khit ciangin tho-in huihpi le tuihualte thu pia a, a dai dide pah hi.

Thu-hilhkikna 1:21

En un, Topa na Pasian un note’ mai-ah leitang koihzo hi. Topa, na pate uh Pasian in note tungah hong gensa bangin paito-in luah un. Lau kei unla, lungkia kei un,’ kong ci hi.

Thu-hilhkikna 31:8

Na mai-ah a pai pa pen Topa ahi hi. Amah in nang hong ompih ding a, nang hong cimawhsak loin, zong hong nusia lo ding hi. Lau kei inla, lungkia kei in,” a ci hi.

Thu-hilhkikna 7:18

amaute na kihta kei ding uh hi. Topa na Pasian un Faro le Egypt mite khempeuh tungah a hih,

Thu-hilhkikna 7:21

Note in amaute na kihta kei ding uh hi; bang hang hiam cih leh a lian a kihtakhuai ahi Pasian, Topa na Pasian uh note tawh a om hi.

Joshua 1:9

Thu hong pia khin hi lo ka hi hiam? Thahat inla hang in. Lau kei inla lungkia kei in; bang hang hiam cih leh na paina peuhpeuhah Topa na Pasian nang tawh hong om hi,” a ci hi.

Joshua 10:7

Tua ahih ciangin Gilgal panin amah le galhang mite khempeuh le a thahat mi khempeuh tawh Joshua a kuanto hi.

Joshua 10:8

Tua ciangin Topa in Joshua kiangah, “Amaute na khut sungah hong pia khin ka hih manin amaute kihta kei in. Amaute khat beek in nang hong nang zo lo ding uh hi,” a ci hi.

Joshua 2:24

Amaute in Joshua kiangah, “Topa in leitang khempeuh eite’ khut sungah hong pia taktak hi. Tua tham loin tua gam a teng mi khempeuh eite’ hangin lungmang uh hi,” a ci uh hi.

Joshua 6:2

Tua ciangin Topa in Joshua kiangah, “Thei in, na khut sungah a kumpipa le a mi thahatte tawh Jerikho khua kong pia khin hi.

Joshua 7:9

Bang hang hiam cih leh Kanaan mite le hih gam a teng mi khempeuh in hih thu za ding uh a, kote hong umcihin leitung panin kote hong phiatkhia mang ding uh hi. Tua ciangin a lian mahmah nangma min bang cih ding na hi hiam?” a ci hi.