Joshua 7:8 - Tedim Bible

⁸ Topa aw, Israel-te a galte uh mai-ah a nungkik uh ciangin bang gen thei ding ka hi hiam!

Tedim Bible Revision 2017

⁸ Topa aw, Israel-te a galte uh mai ah a nungkik uh ciangin bang gen thei ding ka hi hiam!

Joshua 7:8 Iomraidhean Croise

Ezra 9:10

“Kote’ Pasian aw, hih bang hi khin ahih ciangin kote in bang gen thei nawn ding ka hi uh hiam? Bang hang hiam cih leh na nasem kamsangte tungtawnin kote thu hong pia-in, ‘Note va lutin na luah ding uh gam pen, tua gam a a na teng gamdang mite in ninsakin a kihhuai a gamtatnate uh tawh mong khat pan mong khat dongin a ninsa gam nin ahi hi. Tua ahih ciangin na tanute uh amau’ tapate tawh kitengsak kei unla, na tapate uh zi dingin amau’ tanute zong la kei un. Amaute’ phattuamna ding le a maavanna ding uh hanciam kei un. Tua bang hileh note thahatin tua gam a piangte nuamtakin na ne ding uh a, na tate un a luah tawntung dingun tua gam na piasawn thei ding uh hi,’ ci-in nong thupiaknate ka zui kei uh hi.

Late 44:10

Galte kiang panin kote nong nungkiksak a, ka galte un ka neihsa teng uh buluah khin uh hi.

Late 89:43

Ama galhiamte a mawkna na suaksak a, gal kidona-ah amah na guallelsak hi.

Habakkuk 2:1

Ka khuadakna tausang tungah kahto-in, Topa in kei tungah bang hong gen ding a, ka lungkim lohna teng hong bangci dawn hiam, cih ka ngak hi.

Joshua 7:7

Tua ciangin Joshua in, “Ala, Topa Pasian, kote a hong susia ding Amor mite’ khut sungah a hong pia dingin bang hangin hih mite Jordan galkhatah hong paipih peuhmah na hi hiam? Jordan galkhatah ten ding a lungkim hi hoh ta le-ung!

Joshua 7:9

Bang hang hiam cih leh Kanaan mite le hih gam a teng mi khempeuh in hih thu za ding uh a, kote hong umcihin leitung panin kote hong phiatkhia mang ding uh hi. Tua ciangin a lian mahmah nangma min bang cih ding na hi hiam?” a ci hi.

1 SAMUEL MASA 4:3

Mihonte giahphual ah hong ciah ciangin Israel upate in, “Bang hangin Topa in tuni-in Filistia mite’ mai-ah eite hong taisak ahi hiam? Eite’ lakah amah hong pai-in a thahat i galte’ khutsung panin amah in eite hong hotkhiat theih nadingin Shiloh panin Topa’ Thuciamna Singkuang paipih ni,” a ci uh hi.