Joshua 7:2 - Tedim Bible

² Joshua in Jerikho panin Bethel nisuahna lam Bethaven gei-a om Ai khua-ah mi sawlin amaute kiangah, “Paito unla a gam va en un,” a ci hi. Tua mite paito-in Ai khua va ensim uh hi.

Tedim Bible Revision 2017

² Joshua in Jerikho panin Bethel nisuahna lam Bethaven gei-a om Ai khua ah mi sawlin amaute kiangah, “Pai to unla a gam va en un,” a ci hi. Tua mite pai to-in Ai khua va ensim uh hi.

Joshua 7:2 Iomraidhean Croise

Piancilna 12:8

Tua ciangin Bethel panin nisuahna lam mualah amah kin kikin a puanbuk lam a, nitumna lamah Bethel, nisuahna lamah Ai om hi. Tua lai munah zong amah in Topa a dingin biakna tau khat bawl a, Topa’ tungah thu a ngen hi.

Piancilna 28:19

Amah in tua mun Bethel ci hi. Ahih hangin a masa-in tua khua min pen Luz ahi hi.

1 KUMPI MASATE 12:29

Amah in Bethel-ah khat koihin, Dan-ah adang khat a koih hi.

Nehemiah 11:31

Tua ciangin Geba, Mikmash, Aija, Bethel le a khuaneute,

Paunak 20:18

Hoihtakin geelna tawh nasepna tangtung hi. Geelna kician om lopi-in galsim dingin kipan kei in.

Paunak 24:6

Geel siamna tawh galte kizo a, ngaihsut siamna tawh gualzawhna kingah hi.

Isaiah 10:28

Rimmon gam pan galte hong kipanin Aiath khua hong tung uh a, Migron khua kantanin hong pai uh a, Mikmash khua-ah a van uh hong seng uh hi.

Jeremiah 49:3

Heshbon khuamite aw, kap un! Ai khua kisia khinta! Rabbah khua numeite aw, kap un! Puanhampi silh unla kap un. Khua lakah lung-amin kawi taitai un. Bang hang hiam cih leh na Milkom pasian uh le a siampite le a uliante hong kilak khiatsak ding hi.

Hosea 4:15

Kei tungah no Israel mite citak loin nong taisan hangun, note bangin Judah mite khial kei tahen. Gilgal-ah ahi a, Bethaven-ah ahi zongin pai kei unla, tua lai munah Topa’ min tawh na kiciam kei un.

Mattiu 10:16

“Ngiahon lakah tuu a kikhah bangin note hong sawlkhia ka hih manin gul bangin pilvang unla, vakhu bangin migi un.

Efesa 5:15

Tua ahih ciangin hoihtakin kingaihsunin gamta unla, mihaite bang hi loin mipilte bangin gamta un.

Joshua 12:9

A zawh uh kumpite: Jerikho kumpi, khat; Bethel gei-a om Ai kumpi, khat;

Joshua 18:12

Leilu lamah amau’ gamgi pen Jordan panin kipan a, Jerikho leilu lam liangko-ah paito-in, tua panin mualtung gam nawkin nitumna lamah pai a, Bethaven sehnel gamah a tawp hi.

Joshua 2:1

Tua ciangin Nun’ tapa Joshua in Shittim panin thukanin mi nih sawlsim a, “Pai-in gam va en unla, a diakdiakin Jerikho khua hong en un,” a ci hi. Amaute pai uh a, Rahab min nei a paktat numei khat’ inn-ah tungin giak uh hi.

Joshua 7:3

Amaute Joshua kiangah hong ciahkikin ama kiangah, “Mi khempeuh kuantosak kei inla, mi tulnih ahi a, tulthum ahi zongin kuantosakin Ai khua simsak in. Amaute mi tawmno khat ahih manin tua lai-ah mi khempeuh gimtosak kei in,” a ci uh hi.

1 SAMUEL MASA 13:5

Tua ciangin Israel-te tawh a kido dingin Filistia-te kikhawmin, leeng tul sawmthum, sakol galkap tulguk, le a galkapte tuipi gei-a sehnel zahin tampi pha uh hi. Amaute hong paito-in Bethaven nisuahna lam Mikmash-ah phual sat uh hi.

1 SAMUEL MASA 14:23

Tua ahih ciangin Topa in Israel-te tua ni-in honkhia a, galkidona in Bethaven a kheng hi.

1 SAMUEL MASA 30:27

Tua nate pen Bethel, Negeb gam sunga om Ramoth, le Jattir,