Joshua 7:19 - Tedim Bible

¹⁹ Tua ciangin Joshua in Akhan kiangah, “Ka tapa aw, Israel Topa Pasian minthangsak inla, amah phat in. Tu-in na gamtatnasate kei tungah hong gen inla, bangmah hong im kei in,” a ci hi.

Tedim Bible Revision 2017

¹⁹ Tua ciangin Joshua in Akhan kiangah, “Ka tapa aw, Israel Topa Pasian min thangsak inla, amah phat in. Tu-in na gamtatna sate kei tungah hong gen inla, bangmah hong im kei in,” a ci hi.

Joshua 7:19 Iomraidhean Croise

2 KUMPI NIHNATE 20:15

Amah in, “Amaute in na inn sungah bang mu ahi uh hiam?” a ci hi. Tua ciangin Hezekiah in dawngin, “Amaute in ka innsunga om khempeuh mu uh hi; ka vankoihna inn sungte panin amaute ka lah loh bangmah om lo hi,” a ci hi.

2 KHANG TANGTHU NIHNATE 30:22

Tua ciangin Hezekiah in Topa’ nasepna-ah a siamna hoih uh a lak Levi mite khempeuh tungah hanthotna thu a gen hi. Tua ahih ciangin mite in pawi an ni sagih sung ne uh a, thunuama biakna pia-in a pu a pate uh Pasian, Topa tungah lungdamna a ko uh hi.

Late 32:5

Keima khialhnate nangma tungah kong pulak a, ka mawhna ka im kei hi. “Ka khialhnate khempeuh Topa’ tungah ka pulak ding hi,” ka ci hi. Tua ciangin ka mawhna nin nong maisak hi.

Late 51:3

Bang hang hiam cih leh ka thupalsatnate ka thei a, ka mawhnate khempeuh ka phawk ngitnget hi.

Paunak 28:13

A khialhna a im mite a dau pai lo ding a, a mawhna pulakin a kikheel mite in hehpihna ngah ding uh hi.

Isaiah 13:12

Mihingte pen kham hoihte sangin a hoihzaw, minam pen Ofir gam khamte sangin a hoihzaw-in ka bawl ding hi.

Jeremiah 13:16

Topa in khua mialsak a, khuamialna mualtungah na tuk ma un, na lamet uh khuavak pen khuamial bikbek a suah ma-in, Topa na Pasian uh pahtawi un.

Daniel 9:4

Topa ka Pasian’ kiangah thu ngenin ka mite’ mawhna ka pulak hi. Keimah in, “Topa Pasian aw, nang na lian a, ka hong zahtak uh hi. Nang na thuman a, na thuciamna le na thupiakna a mangte le a hong itte a tawntungin na it hi.

Luka 17:18

Bang hangin hih gamdang mipa bek Pasian’ tungah lungdamna a ko dingin hong kileh ahi hiam?” a ci hi.

Johan 9:24

Tua ciangin a mittaw ngei pa mah samkik leuleu uh a, “Pasian’ mai-ah kiciamin a man taktak hong gen in. Kote in hih mipa thukham palsatin a gamta pa hi, ci-in ka thei uh hi,” a cih uh ciangin amah in,

ROM (Romans) 10:10

Bang hang hiam cih leh i lungsim ah i up taktakna hangin Pasian tawh kipawl theihna kingah a, i kamin i genna hangin hotkhiatna a kingah ahi hi.

2 TIMOTI NIHNA 2:25

thunem tawh a langte’ hoih lohna a puahtheite hi ding hi. Tua bang hileh Pasian in amaute kisiksak thei ding a, thuman thutak hong thei-in,

Titu 2:2

Pasal khanghamte a kilawm a kituakin a omtheih nading, thu ngaihsun thei mi ahih nading, a kikemzo mite ahih theih nading, upna man a neihtheih nading, itna man a neihtheih nading uh le a manin lungkipin a thuakzawh nadingun na gen in.

Jeim 1:20

Mihingte’ hehna in Pasian’ sep ding thuhoihte khaktan hi.

Joshua 7:20

Tua ciangin Akhan in Joshua dawngin, “A taktakin, Israel Topa Pasian tungah ka khial khin a, hih bangin ka gamta kha hi.

Mangmuhna 16:9

Nisa in mite kanggawp ahih manin mite in hih gimna tawh kisai-ah thu a nei Pasian a samsia uh hi. Ahi zongin a mawhna uh panin kisikin Pasian a phat ding uh ut lo uh hi.

1 SAMUEL MASA 14:43

Tua ciangin Saul in Jonathan kiangah, “Na gamtatnasa hong gen in,” a ci hi. Jonathan in ama kiangah gen a, “Ka khutsunga om ciangkhut dawn tawh khuaizu tawmkhat ka ciam hi. Hih lai-ah ka om hi; kei a si dingin ka kiging hi,” a ci hi.

1 SAMUEL MASA 6:5

Tua ahih ciangin note in na gam sung uh hong sugawp na uilut uh limte le na simbeng limte uh bawlin, Israel-te’ Pasian’ tungah zahtakna na lak ding uh hi. Note le na pasian-te uh le na gam uh hong gawtna amah in hong zangsak kha ding hi.