Joshua 7:1 - Tedim Bible

¹ Ahih hangin a ki-ap nate tawh kisai-in Israel mite zuautat uh hi. Bang hang hiam cih leh Judah minam Zerah tapa Zabdi, a tapa Karmi, a tapa Akhan in a ki-ap nate pawlkhat la ahih manin Israel mite tungah Topa heh mahmah hi.

Tedim Bible Revision 2017

¹ Ahih hangin a ki-ap nate tawh kisai-in Israel mite zuau tat uh hi. Bang hang hiam cih leh Judah minam Zerah tapa Zabdi, a tapa Karmi, a tapa Akhan in a ki-ap nate pawl khat la ahih manin Israel mite tungah Topa heh mahmah hi.

Joshua 7:1 Iomraidhean Croise

Piancilna 34:27

Jakob tapa dangte in a kithat mite’ tungtawnin khuapi susia uh hi. Bang hang hiam cih leh a sanggamnu uh kisiasak hi.

2 SAMUEL NIHNA 24:1

Khatvei, Israel-te tungah Topa hong hehkik a, amah in mite’ gim nadingin David hanthawnin, “Pai in; Israel le Judah mi a phazah sim in,” a ci hi.

2 KUMPI NIHNATE 5:24

Tua ciangin mualtungah amah a tun ciangin amah in amaute tung panin tuate la-in inn sungah koih hi. Tua ciangin a mite sawlkhia a, amaute kihem uh hi.

1 KHANG TANGTHU MASATE 21:7

Ahih hangin hih thu-ah Pasian lungkim lo a, amah in Israel-te vatgawp hi.

2 KHANG TANGTHU NIHNATE 24:18

Tua ahih ciangin amaute in a pu a pate uh Pasian, Topa’ biakinn nusia uh a, Asherah milimte le milim dangte’ na sem uh hi. Hih amau’ mawhna hangin Judah le Jerusalem tungah hehna hong tung hi.

Ezra 9:6

“Ka biak Pasian aw, ka mawhnate un ka lu dawn dong uh hong vuknelhin vantung dong banto ahih manin nangma lam kong et ding maizumin ka mai a san hi, ka Pasian aw.

JOB (Job) 35:8

Na khialhna hangin na mipihte bek in thuak a, na gamtat hoihna hangin na mipihte bek in phattuamna ngah hi.

Thuhilh-sia 9:18

Galhiamte sangin pilna hoihzaw a, ahi zongin khialhna khat in a hoih tampi susia thei hi.

Daniel 9:7

Topa, nang na hih leh na siangtho a, ahih hangin kote ka hih uhleh a zumhuai-in ka gamta uh hi. Judah gam le Jerusalem khuasunga teng Israel mite khempeuh thuman lo uh ahih manin, a nai a gamla gam tuamtuamah na thehthangzo hi.

Siampi Laibu 10:6

Tua ciangin Moses in Aaron le a tapate Eleazar le Ithamar kiangah, “Na lu uha na sam uh phiahsak kei unla, na puante uh balkek kei un. Tua bangin na hih uhleh note si-in, mihon khempeuh tungah Topa’ hehna hong tung ding hi. Ahih hangin na mipih uh, Israel mihon buppi pen, Topa’ mei in a katlup mite’ hangin dahin kap thei ding uh hi.

Jonah 1:7

Tua khit ciangin teembaw hawlte in, “Hong pai dih un. Kua’ hangin hih bang gimna ei’ tungah hong tung ahi hiam, cih i theih nadingin ai san dih ni,” ci-in khatlekhat a kikum uh hi. Ai a san uhleh Jonah tung a tu hi.

Joshua 22:16

“Topa’ mihon buppi in, ‘Topa lehdona-ah tuni-in note a dingin biakna tau khat lamna tawh Topa zuihna panin tuni-in kihei-in Israel Pasian’ tungah na gamtatnasa uh ahi hih khemna pen bang ahi hiam?

Joshua 22:20

Zerah’ tapa Akhan, a ki-ap nate-ah a khialh manin Israel mihon khempeuh tungah hehna hong tung hi lo ahi hiam? Ama mawhna hangin amah bek si lo hi,’ ci uh hi,” ci-in a gen uh hi.