Joshua 6:9 - Tedim Bible

⁹ Tua ciangin peengkul a tum siampite’ mai-ah hiam tawi mite pai uh a, peengkulte a kitum suak hun laitakin Thuciamna Singkuang nungah a nungdalte a pai uh hi.

Tedim Bible Revision 2017

⁹ Tua ciangin peengkul a tum siampiteʼ mai ah hiam tawi mite pai uh a, peengkulte a kitum suak hun laitakin Thuciamna Singkuang nungah a nungdalte a pai uh hi.

Joshua 6:9 Iomraidhean Croise

Isaiah 58:8

Tua ciangin ka maipha pen phalvaktung hong bang ding a, note’ tungah hong taangkhia ding hi. Manlang takin na liammate uh hong dam ding hi. Note hong ompih tawntungin note kong hon ding a, na nung na mai uhah ka hong dal ding hi.

Gamlak-vakna 10:25

Tua ciangin adang khempeuh’ nungdalin Dan mite’ giahphual dialkhai a neite a pawlpawlin ding khia uh hi. Tua mihonte, Ammishaddai’ tapa Ahiezer in uk hi.

Joshua 6:10

Ahih hangin Joshua in mite thu pia-in, “Awng un, ci-a kong sawl hun matengin note awng loin, na aw uh zong na kizasak kei ding uh a, na kam panun aw khat beek gingkhia lo ding hi. Awng un, kong cih ciangin na awng bek ding uh hi,” a ci hi.

Joshua 6:13

Topa’ Thuciamna Singkuang mai-ah a pai tuutal ki peengkul sagih a tawi siampi sagihte paisuakin peengkulte tumsuak uh hi. Amaute’ mai-ah hiam tawite pai-in, peengkulte a kitum suak hun laitakin Topa’ Thuciamna Singkuang nungah a nungdalte a pai uh hi.

Joshua 6:8

Joshua in mite a thupiak bangin Topa’ mai-ah a pai tuutal ki peengkul a tawi siampi sagihte mai nawtin pai-in peengkul tum uh a, Topa’ Thuciamna Singkuang in amaute zui hi.