Joshua 6:6 - Tedim Bible

⁶ Tua ahih ciangin Nun tapa Joshua in siampite samin amaute kiangah, “Thuciamna Singkuang la unla, tua Topa’ Thuciamna Singkuang mai-ah siampi sagihte tuutal ki peengkul sagih tawisak un,” a ci hi.

Tedim Bible Revision 2017

⁶ Tua ahih ciangin Nun tapa Joshua in siampite samin amaute kiangah, “Thuciamna Singkuang la unla, tua Topaʼ Thuciamna Singkuang mai ah siampi sagihte tuutal ki peengkul sagih tawisak un,” a ci hi.

Joshua 6:6 Iomraidhean Croise

Paikhiatna 25:14

Singkuang puak nadingin singkuang panga kualte sungah a zawlte na khum ding hi.

Sawltak 9:1

Tua hun sungteng Saul in Topa’ thu a um mite thah dingin a hanciamna zomlai hi. Siampi lianpen pa kiangah pai a,

Joshua 24:11

Tua ahih ciangin Jordan galkhatah pai-in Jerikho na tung uh a, Jerikho mite in note hong do uh hi. Amor mite, Perez mite, Kanaan mite, Hit mite, Girgash mite, Hiv mite, le Jebus mite in zong note hong do uh a, ahi zongin note’ khut sungah amaute kong pia hi.

Joshua 3:3

mite thu pia uh a, “Topa na Pasian uh Thuciamna Singkuang Levi siampite in a puak na muh uh ciangin na omna panun dingkhia-in na zui ding uh hi.

Joshua 3:6

Tua ciangin Joshua in siampite kiangah, “Thuciamna Singkuang la unla, mite’ mai-ah paisuak un,” a ci hi. Amaute in Thuciamna Singkuang la-in mite’ mai-ah a pai uh hi.

Joshua 6:13

Topa’ Thuciamna Singkuang mai-ah a pai tuutal ki peengkul sagih a tawi siampi sagihte paisuakin peengkulte tumsuak uh hi. Amaute’ mai-ah hiam tawite pai-in, peengkulte a kitum suak hun laitakin Topa’ Thuciamna Singkuang nungah a nungdalte a pai uh hi.

Joshua 6:5

Amaute in tuutal ki sauveipi a ginsak khit uh ciangin, peengkul aw na zak phetun nakpitakin mi khempeuh awng ding uh hi. Khuapikulh cimmai ding a, mi khempeuh amau mai ciatah tangtakin khuapi sungah paisuak ding uh hi,” a ci hi.

Joshua 6:7

Tua ciangin amah in mite kiangah, “Mai nawtin pai un. Khuapi kimkotah pai unla, Topa’ Thuciamna Singkuang mai-ah hiam tawi mite paisak un,” a ci hi.

Joshua 6:8

Joshua in mite a thupiak bangin Topa’ mai-ah a pai tuutal ki peengkul a tawi siampi sagihte mai nawtin pai-in peengkul tum uh a, Topa’ Thuciamna Singkuang in amaute zui hi.

1 SAMUEL MASA 4:3

Mihonte giahphual ah hong ciah ciangin Israel upate in, “Bang hangin Topa in tuni-in Filistia mite’ mai-ah eite hong taisak ahi hiam? Eite’ lakah amah hong pai-in a thahat i galte’ khutsung panin amah in eite hong hotkhiat theih nadingin Shiloh panin Topa’ Thuciamna Singkuang paipih ni,” a ci uh hi.