Joshua 6:5 - Tedim Bible

⁵ Amaute in tuutal ki sauveipi a ginsak khit uh ciangin, peengkul aw na zak phetun nakpitakin mi khempeuh awng ding uh hi. Khuapikulh cimmai ding a, mi khempeuh amau mai ciatah tangtakin khuapi sungah paisuak ding uh hi,” a ci hi.

Tedim Bible Revision 2017

⁵ Amaute in tuutal ki sau veipi a ginsak khit uh ciangin, peengkul aw na zak phetun nakpi takin mi khempeuh awng ding uh hi. Khuapi kulh cimmai dinga, mi khempeuh amau mai ciatah tangtakin khuapi sungah paisuak ding uh hi,” a ci hi.

Joshua 6:5 Iomraidhean Croise

Paikhiatna 19:19

Peengkul aw a nak gin’ semsem laitakin Moses pau a, Pasian in vanging sungah amah dawng hi.

Isaiah 25:12

Amah in Moab mite’ kulh muanhuaite suksiat sakin leilak denna ding a, leivui suakmangkhin ding hi.

Isaiah 30:25

Na galte uh’ tausangte pukin mi tampi a sih ni-in, mual sang le mual neute tung khempeuhah luitui luang ding hi.

Jeremiah 50:15

Khuapi a sim dingin a kimkotah awng un. Babylon khuapi in note hong lel khinzo hi. A galdalte uh cim khin a, a kulhte uh puk khinta hi. Hih pen Topa’ phulakna ahih manin, amau’ tungah phu la un. Midangte tungah a bawl bangin amau’ tungah zong bawl un.

Hebru 11:30

Israel mite in Jerikho khuapi ni sagih sung a kimvel khit uh ciangin a kulhpi a cipna zong a upna uh hang mah ahi hi.

Joshua 6:16

A sagih veina-ah, siampite in peengkul a tum ciangin Joshua in mite kiangah, “Awng un; bang hang hiam cih leh Topa in khuapi note hong piazo hi.

Joshua 6:20

Tua ahih ciangin mite awng a, peengkulte kitum hi. Mite in peengkul aw a zak phetun nakpitakin awng uh a, kulhpi cimmai-in, mi khempeuh amau mai ciatah tangtakin khuapi sungah pai uh a, khuapi a la uh hi.

Joshua 6:4

Siampi sagih in Thuciamna Singkuang mai-ah tuutal ki peengkul sagih tawi ding uh hi. A ni sagih ni-in khuapi kimkotah sagihvei na pai ding uh a, siampite in peengkul tum ding uh hi.

Joshua 6:6

Tua ahih ciangin Nun tapa Joshua in siampite samin amaute kiangah, “Thuciamna Singkuang la unla, tua Topa’ Thuciamna Singkuang mai-ah siampi sagihte tuutal ki peengkul sagih tawisak un,” a ci hi.

Thukhente 20:37

Tua ciangin a pangsim mite manlangin hong pai-in Gibeah khua sungah lut uh a, a pangsim mite in namsau tawh khuapi mi khempeuh vatgawp uh hi.

1 SAMUEL MASA 17:20

Tua ciangin Jessi in a thupiak bangin zingsangin David tho baihin, a kem ding midang khat tawh a tuute nusia a, a ante pua-in a pai hi. Mihonte giahphual ah pai-in galdo kikona a ot laitakun amah giahphual va tung hi.

1 SAMUEL MASA 17:52

Tua ciangin Israel-te le Judah-te awngin ding uh a, Gath le Ekron kulhkongpi ciang dong Filistia-te delh uh ahih manin Shaarim panin Gath le Ekron ciang dong Filistia mi a liamte puk uh hi.

1 SAMUEL MASA 4:5

Topa’ Thuciamna Singkuang giahphual sung hong tun ciangin Israel-te khempeuh nakpitakin awng uh a, lei a thawn hi.