Joshua 6:13 - Tedim Bible

¹³ Topa’ Thuciamna Singkuang mai-ah a pai tuutal ki peengkul sagih a tawi siampi sagihte paisuakin peengkulte tumsuak uh hi. Amaute’ mai-ah hiam tawite pai-in, peengkulte a kitum suak hun laitakin Topa’ Thuciamna Singkuang nungah a nungdalte a pai uh hi.

Tedim Bible Revision 2017

¹³ Topaʼ Thuciamna Singkuang mai ah a pai tuutal ki peengkul sagih a tawi siampi sagihte pai suakin peengkulte tum suak uh hi. Amauteʼ mai ah hiam tawite pai-in, peengkulte a kitum suak hun laitakin Topaʼ Thuciamna Singkuang nungah a nungdalte a pai uh hi.

Joshua 6:13 Iomraidhean Croise

1 KHANG TANGTHU MASATE 15:26

Pasian in Topa’ Thuciamna Singkuang a pua Levi mite huh ahih manin amaute in bawngtal sagih le tuutal sagih biakna-in a pia uh hi.

Gamlak-vakna 10:25

Tua ciangin adang khempeuh’ nungdalin Dan mite’ giahphual dialkhai a neite a pawlpawlin ding khia uh hi. Tua mihonte, Ammishaddai’ tapa Ahiezer in uk hi.

Mattiu 24:13

Ahi zongin a bei dongin a thuakzote in hotkhiatna ngah ding uh hi.

Galati 6:9

Tua ahih manin na hoih sep ding cimtak kei ni. Lungkia loin i sep nakleh a hun ciangin thaman i ngah ding hi.

Joshua 6:12

Tua ciangin zingsangin Joshua tho baih a, siampite in Topa’ Thuciamna Singkuang a la uh hi.

Joshua 6:14

A ni nih ni-in khuapi kimkotah khatvei pai uh a, giahphual ah ciahkik uh hi. Tua bangin ni guk sung a hih uh hi.

Joshua 6:4

Siampi sagih in Thuciamna Singkuang mai-ah tuutal ki peengkul sagih tawi ding uh hi. A ni sagih ni-in khuapi kimkotah sagihvei na pai ding uh a, siampite in peengkul tum ding uh hi.

Joshua 6:9

Tua ciangin peengkul a tum siampite’ mai-ah hiam tawi mite pai uh a, peengkulte a kitum suak hun laitakin Thuciamna Singkuang nungah a nungdalte a pai uh hi.