Joshua 6:1 - Tedim Bible

¹ Tu-in Israel mite’ hangin Jerikho kulhkongpi kikhakcip a, kuamah pusuak thei lo, sungtum thei lo hi.

Tedim Bible Revision 2017

¹ Tu-in Israel miteʼ hangin Jerikho kulh kongpi kikhakcip a, kuamah pusuak thei lo, sung tum thei lo hi.

Joshua 6:1 Iomraidhean Croise

2 SAMUEL NIHNA 10:5

David kiangah tua thu a kigen ciangin amaute a dawn dingin amah in mi sawl hi. Bang hang hiam cih leh a mite nakpitakin maizum uh hi. Kumpipa in, “Na khamul uh a saukik mateng Jerikho-ah om unla, tua ciangin hong ciah un,” a ci hi.

2 KUMPI NIHNATE 17:4

Ahih hangin Assiria kumpipa in Hoshea a zuautatna mu hi; bang hang hiam cih leh amah in Egypt kumpipa So kiangah kamtaite sawlsim a, a kumkumin ahih ngeisa bangin Assiria kumpipa tungah siah pia nawn lo hi. Tua ahih ciangin Assiria kumpipa in amah man a, thong sungah koihin a hencip hi.

2 KUMPI NIHNATE 2:4

Tua ciangin Elijah in Elisha kiangah, “Elisha aw, hih lai-ah khawl in, kong thum hi; bang hang hiam cih leh Topa in Jerikho-ah kei hong sawl hi,” a ci hi. Ahih hangin amah in, “Topa nungta a, nangmahmah na nuntak mah bangin, nang kong nusia ngei kei ding hi,” a ci hi. Tua ahih ciangin Jerikho-ah amaute tung uh hi.

Late 127:1

Topa in inn lampih kei leh innlamte’ sepna a mawkna ahi hi. Topa in khuapi hutpih kei leh khuapi cingte’ cinna a mawkna ahi hi.

Joshua 16:7

Janoah panin Ataroth le Naarah ah paisuk a, Jerikho banin Jordan-ah tawp hi.

Joshua 18:21

Tu-in amau’ beh tawh kizui-in Benjamin minamte’ khuapite in Jerikho, Bethhoglah, Emekkeziz,

Joshua 2:1

Tua ciangin Nun’ tapa Joshua in Shittim panin thukanin mi nih sawlsim a, “Pai-in gam va en unla, a diakdiakin Jerikho khua hong en un,” a ci hi. Amaute pai uh a, Rahab min nei a paktat numei khat’ inn-ah tungin giak uh hi.

Joshua 2:24

Amaute in Joshua kiangah, “Topa in leitang khempeuh eite’ khut sungah hong pia taktak hi. Tua tham loin tua gam a teng mi khempeuh eite’ hangin lungmang uh hi,” a ci uh hi.

Joshua 2:7

Tua ahih ciangin mite in Jordan lamah ngahmun dong delh uh a, a delhte a paikhiat phetin kulhkongpi kikhak hi.

Joshua 5:15

Tua ciangin Topa’ galkapte a ukpa in Joshua kiangah, “Na khe panin na khedapte suah in. Bang hang hiam cih leh na dinna mun a siangtho leitang ahi hi,” a ci hi. Tua bangmahin Joshua a gamta hi.

Joshua 6:2

Tua ciangin Topa in Joshua kiangah, “Thei in, na khut sungah a kumpipa le a mi thahatte tawh Jerikho khua kong pia khin hi.