Joshua 5:7 - Tedim Bible

⁷ Tua ahih ciangin Joshua in vun a at mite pen, amaute’ tangin amah in a piansak amau’ tate ahi hi. Bang hang hiam cih leh lampi-ah amaute a vun ki-at nai lo ahih manin vun at nai loh ahi uh hi.

Tedim Bible Revision 2017

⁷ Tua ahih ciangin Joshua in vun a at mite pen, amauteʼ tangin amah in a piansak amauʼ tate ahi hi. Bang hang hiam cih leh lampi ah amaute a vun ki-at nai lo ahih manin vun at nai loh ahi uh hi.

Joshua 5:7 Iomraidhean Croise

Piancilna 34:14

Amaute in amau kiangah, “Vun ki-at lopa’ tungah ka sanggamnu uh ka piak ding uh ka ngaihsun thei kei uh hi. Tua bangin pia le ung ko a dingin mindaina hi ding hi.

Gamlak-vakna 14:31

Ahih hangin galte in man ding na cih uh na tate uh, keimah in ka tumpih ding a, note in na thusim loh uh leitang amaute in mu ding uh hi.

Thu-hilhkikna 1:39

“Tua tham loin galte’ mat suak ding hi, na cih uh na taneute uh le, tuhun laitakin a sia le a pha a khenthei nai lo na tate uh, tua gamah pai ding a, amaute tungah tua gam pia-in, amaute in tua gam luah ding uh hi.

Joshua 5:6

Bang hang hiam cih leh amaute in Topa’ thu a ngaih lohna hangun Egypt panin a hong paikhia minam bup, galhang mite a sih khit dong kum sawmli sung sehnel gamah Israel mite lam pai uh hi. Topa in amau’ tungah a piak dingin a pu a pate tungah a ciamsa bawngnawi le khuaizu tui bangin a luanna leitang a muhsak loh nading thu amaute tungah Topa kiciam hi.

Joshua 5:8

Minam bup vun ki-atna a man khit ciangin giahphual amau’ mun ciatah a dam mateng a om uh hi.