Joshua 5:10 - Tedim Bible

¹⁰ Israel mite Gilgal-a giahphual ah a om sungun tua kha a ni sawm le li ni nitakin Jerikho zanglei-ah Paisan Pawi a bawl uh hi.

Tedim Bible Revision 2017

¹⁰ Israel mite Gilgal-a giahphual ah a om sungun tua kha a ni sawm le li ni nitakin Jerikho zanglei ah Paisan Pawi a bawl uh hi.

Joshua 5:10 Iomraidhean Croise

2 SAMUEL NIHNA 15:28

Thei in, kei kiangah thu a hong zasak dingin nang’ kiang panin thuko mi hong tun mateng gamlak tui ngahmunte-ah ka na ngak ding hi,” cithuah lai hi.

Paikhiatna 12:11

Hih bang zia-in na ne ding uh hi: Na kawng uh gakin, na khedap uh na khe uhah bulhin, na ciangkhut uh na khut uhah na tawi ding uh a, na nawh nek ding uh hi. Tua pen Topa’ Paisan Pawi ahi hi.

Paikhiatna 12:18

Kha masa, tua kha sawm le li nitakin note in silngo sawh loh anlum na ne ding uh a, tua kha ni sawmnih le khat nitak dong na ne ding uh hi.

Paikhiatna 12:6

Tua gannote pen Israel mihonte khempeuh in a gawh ding hun nitak khuamui, tua kha ni sawm le li dong na kem ding uh hi.

Jeremiah 39:5

Ahih hangin Babylon galkapte in nungdelh uh a, Jerikho zanglei-ah Zedekiah a pha uh hi. A mat khit uh ciangin Hamath gam Riblah khua-ah, Babylon kumpipa Nebukhadnezzar’ kiangah paipih uh a, amah in thukhenna a pia hi.

Ezekiel 12:3

Ezekiel aw, tu-in galtai dingte’ gamtat bangin na van puak ding guang inla, suntangpi-in paikhia in. Na omna panin na paikhiatlam mi khempeuh musak in. A lehdo thei mi ahih tei hangun a thu theithei kha ding uh hi.

Siampi Laibu 23:5

“A kha masa, a ni sawm le li nitak pen Topa’ Paisan Pawi ahi hi.

Micah 6:5

Ka mite aw, Moab Kumpi Balak in note sukna ding a vaihawmna teng, Beor’ tapa Balaam in ama nget bangin a sepna teng limtakin phawkkik un. Note hotkhiat nadingin ka sepna thu na theih nadingun Shittim le Gilgal kikal-a thupiangte ngaihsun kik un,” a ci hi.

Joshua 4:19

Kha masa a ni sawm ni-in Jordan panin mite paikhia uh a, Jerikho nisuahna lam gamgi Gilgal-ah giahphual sat uh hi.

Joshua 5:11

Paisan Pawi khit a zing ciang ni teekteekin amaute in tua gam a piang silngo sawh loh moh le ankan a ne uh hi.

Joshua 9:6

Amaute Gilgal-a giahphual a Joshua kiangah hong pai-in amah le Israel mite tungah, “A gamlapi panin kong pai uh hi. Tua ahih ciangin kote tawh thuciamna khat hong bawl un,” a ci uh hi.

1 SAMUEL MASA 7:16

A kumkumin Bethel, Gilgal, le Mizpah-ah kot pai a, amah in hih munte khempeuhah Israel-te thu khen hi.