Joshua 5:1 - Tedim Bible

¹ Nitumna lam Jordan galkhat a om Amor mite’ kumpite khempeuh le tuipi gei-a om Kanaan mite’ kumpi khempeuh in, Israel mite in a kantan khit mateng amaute a dingin Jordan tuite Topa in a kansakna thu a zak uh ciangin lungmang uh a, Israel mite’ hangin a lungsim uh a bei hi.

Tedim Bible Revision 2017

¹ Nitumna lam Jordan gal khat a om Amor miteʼ kumpite khempeuh le tuipi gei-a om Kanaan miteʼ kumpi khempeuh in, Israel mite in a kantan khit mateng amaute adingin Jordan tuite Topa in a kansakna thu a zak uh ciangin lungmang uh a, Israel miteʼ hangin a lungsim uh a bei hi.

Joshua 5:1 Iomraidhean Croise

Piancilna 12:6

Abram in tua gam sung nawkin Shekhem mun, Moreh tawsaw phung dong a tung hi. Tua hunin tua lai-ah Kanaan mite teng lai hi.

Piancilna 48:22

Tua tham loin, ka namsau le ka thal tawh Amor mite’ khut tung panin ka lak mualpang khat, na sanggamte’ tung sangin nang’ tungah kong piazaw hi,” a ci hi.

2 SAMUEL NIHNA 21:2

Tua ahih ciangin kumpipa in Gibeon mite sam hi. Tu-in Gibeon mite pen Israel-te’ sung hi loin Amor mi a omlaite ahi uh hi. Amaute a hingkhawi ding Israel mite kiciam khin napi-in, Israel le Judah mite a’ ding a deih luatna-in Saul in amaute thah dingin hanciam hi.

1 KUMPI MASATE 10:5

a sabuai-ah a an, a uliante’ omzia, le a nasemte’ etna, a puante uh, a an piate, le Topa’ biakinn-ah a piak meihal biaknate khempeuh a muh khit ciangin lamdang a sa mahmah hi.

Ezra 9:1

Hih thute khempeuh a kisep khit ciangin keima kiangah makaite pawlkhat hong pai-in, “Hih gam a teng gamdang mite’ nitna le Kanaan mite, Hit mite, Perez mite, Jebus mite, Ammon mite, Moab mite, Egypt mite, le Amor’ mite’ gamtat a kihhuaite panin Israel mi, siampite le Levi mite nangawn zong, a siangtho-in tuam om lo uh hi.

Late 135:11

Amor kumpipa Sihon, Bashan kumpipa Og le Kanaan kumpite a that hi.

Paikhiatna 23:28

Note’ mai panin Hiv mite, Kanaan mite, le Hit mite a hawlkhia dingin note’ mai-ah tunpi ka sawlkhia ding hi.

Isaiah 41:5

Tuipi gei-a om gamte in mu khinin a lau uh hi. Leimong dongin mite lau-in ling uh a, amaute in hong nai-in hong pai uh hi.

Ezekiel 16:3

Topa Pasian in Jerusalem tungah ka gen hih thute gen in: Jerusalem aw, nang pen Kanaan gam panin a piang na hi hi. Na pa pen Amor mite hi a, na nu pen Hit mite ahi hi.

Ezekiel 21:7

Tua bangin na omna thu mite in hong dot ciangin mailam a thupiang ding hangin a tuaci om na hihna thu gen in. Tua hun ciangin a lungsim uh launa tawh kidimin, launa hangin a khut uh lingcipin, a hanna lungsim uh bei-in, lau-in a khuk uh a lin’ kelkelna ding thu le, tua hun ding pen tu-in a hong tungta ahihna thu gen in,” Topa Pasian in a hong ci hi.

Daniel 5:6

Tua ciangin kumpipa lau lua mahmah a, a mai daang gawpin a khut a ling kauhkauh hi.

Amos 2:9

Ahi zongin amaute ka khualna hangin taamtak sing bangin a sang mahmah, tawsaw kung bangin a khauhtuak mahmah Amor mite amau a dingin ka suksiatsak a, a dawn pan a kipan a zung dongin ka sukmaisak hi.

Gamlak-vakna 13:29

Amalek mite Negeb gamah teng uh hi. Hit mite, Jebus mite, le Amor mite, mualtung gamah teng uh hi. Kanaan mite tuipi gei le Jordan dungah teng uh hi,” ci-in a gen uh hi.

Joshua 17:12

Ahi zongin Manasseh’ tapate in hih khuapite luah zo lo uh ahih manin tua gamah Kanaan mite teng teitei uh hi.

Joshua 17:18

Mualtung gam pen note a’ hi ding a, tulak ahih hangin note in hah siangin a gamgi mong dong na luah ding uh hi. Bang hang hiam cih leh amaute in sik leeng nei-in, amaute a thahat hangin Kanaan mite na hawlkhiazo ding uh hi,” a ci hi.

Joshua 24:15

Topa’ na na sepnop kei uhleh, Gun galkhat a a na na sepsak uh na pu na pate uh pasian ahi a, note’ tenna gam Amor mite’ pasian ahi zongin, a na na sepsak ding peuhpeuh uh tuni-in teel un. Ahih hangin kei le ka innkuanpihte in ahihleh Topa’ na ka sem ding uh hi,” a ci hi.

Joshua 3:16

a saklam panin hong luangsuk tuite khawlin khangto a, a gamlapi, Zarethan gei-a khuapi Adamah-ah a lomin kikhol a, Ci Tuipi a kici Arabah tuipi-ah a luangsukte kikhentat siang hi. Tua ciangin Jerikho gei-ah mite galkah uh hi.

Joshua 3:17

Israel-te khempeuh lei keu tungah a galkah sung, minam bup in Jordan a khen’ khit mateng, Topa’ Thuciamna Singkuang a pua siampite Jordan gun laizang lei keu tungah ding uh hi.

Mangmuhna 18:10

Ama thuakna kihta-in a gamlapi-ah om ding uh a, “Hih a vanglian Babylon khuapi in a thuakna, bangzah takin lauhuai-in, bangzah takin nasia! Nai khat sung bekin hih zah gimna thuak!” ci ding uh hi.

Thukhente 1:1

Joshua a sih khit ciangin Israel mite in Topa tungah thu dong uh a, “Kanaan mite a sim dingin kua kuanto masa ding ka hi uh hiam?” a ci uh hi.

Thukhente 11:23

Tua ahih ciangin Topa, Israel-te’ Pasian in ama mi Israel-te’ mai panin Amor mite paaikhia hi. Tu-in nangmah in luahkik ding sawm na hi hiam?

Thukhente 3:3

Tua a siit minamte: Filistia ulian ngate, Kanaan mi khempeuh, Sidon mite, le Baalhermon Mual panin Hamath lutna ciang dong Lebanon Mual tungah a teng Hiv mite ahi hi.

Thukhente 4:2

Tua ciangin Topa in Hazor-ah a uk, Kanaan kumpipa Jabin’ khut sungah amaute a pia hi. Ama galkapte a ukpa pen, Harosheth-ha-goiim ah a teng Sisera ahi hi.

1 SAMUEL MASA 25:37

Zingsang ciang, Nabal’ zukhamna a ven’ ciangin a zi in ama kiangah hih thute gen a, thakhatin a lungtang si-in amah suangtum bang hi.