Joshua 4:7 - Tedim Bible

⁷ Tua ciangin amaute kiangah, ‘Topa’ Thuciamna Singkuang mai-ah Jordan tuite kikhentan a, Jordan a galkah laitakun Jordan tuite kikhentan hi,’ na ci ding uh hi. Tua ahih ciangin hih suangtumte pen Israel mite tungah a tawntungin phawkna hi ding hi,” a ci hi.

Tedim Bible Revision 2017

⁷ Tua ciangin amaute kiangah, ‘Topaʼ Thuciamna Singkuang mai ah Jordan tuite kikhentan a, Jordan a gal kah laitakun Jordan tuite kikhentan hi,’ na ci ding uh hi. Tua ahih ciangin hih suangtumte pen Israel mite tungah a tawntungin phawkna hi ding hi,” a ci hi.

Joshua 4:7 Iomraidhean Croise

Late 111:4

Amah in phawk tawntung dingin a lamdang nasepnate hong bawl a, Topa dikin hehpihna nei hi.

Paikhiatna 12:14

“Hih pen note a dingin phawkna ni hi ding a, note in Topa’ tungah pawi bawlna ni-in na nei ding uh hi. Na khang tawntungun note in biakna ngeina kip khatin na nei tawntung ding uh hi,” a ci hi.

Paikhiatna 28:12

Israel tapate phawkna suang dingin siampipuan’ liangkaih puan tungah tua suang nihte na bulh ding hi. Aaron in ama liangko nihte tungah phawkphawk dingin Topa’ mai-ah amaute’ min pua ding hi.

Paikhiatna 30:16

Nomau a dingin kilemna bawl nading, Topa’ mai-ah Israel mite ka phawkna a hisak dingin Israel mite tung panin kilemna sum na la ding a, kikhopna buk nasep nadingin na zang ding hi,” a ci hi.

Isaiah 66:3

Biakna-in bawngtal a gopa in mihing zong that hi. Biakpiakna-in tuuno a gopa in ui ngawng zong at hi. An tawh biakpiakna a bawlpa in vok si zong pia hi. Paknamtui tawh phawkna biakpiakna a bawlpa in milim zong bia-in thupha a pia hi. Hih mite amau ut bang ciatin gamta uh a, amau’ kihhuai gamtatna uhah nuam a sa uh hi.

Gamlak-vakna 16:40

Topa in Moses tungtawnin Eleazar tungah a gen bangin Korah le a pawlte tawh a kibang kha lo dingin, siampi ahi lo, Aaron’ suanlekhakte ahi lo mi peuhmah, Topa’ mai-ah paknamtui hal dingin a pai loh nading, Israel mite tungah phawksakna khat ahi hi.

Gamlak-vakna 17:5

Keimah in ka teel mipa’ ciangkhut hong sel ding hi. Amaute in nang hong phunsanna, Israel mite’ phunna tua bangin kei’ kiang panin ka beisak ding hi,” a ci hi.

1 KORIN MASA 11:24

Pasian tungah lungdam a kohkhit ciangin balnen a, “Hih pen note a dingin a hong kipia keima pumpi ahi hi. Kei na hong phawk nadingun na ne un,” ci hi.

Thu-hilhkikna 16:3

Silngo sawh anlum tawh na ne kei ding uh a, ni sagih sung silngo sawh loh anlum, gimna anlum tawh na ne ding uh hi. Egypt gam panin nawhsa-in na taikhia uh hi. Egypt gam panin na taikhiat uh hun na nuntak sung tawntung uh na phawk theih nading uh ahi hi.

Joshua 4:6

Hong tung ding hunah na tate un, ‘Hih suangtumte bang a cihnopna ahi hiam?’ ci-in hong dot ciangin note’ lakah lim khat hi ding hi.