Joshua 4:12 - Tedim Bible

¹² Moses in amaute a sawlsa bangin Israel mite mai-ah hiam tawi-in Reuben minamte, Gad minamte, le Manasseh minam alangte na ma pai uh a,

Tedim Bible Revision 2017

¹² Moses in amaute a sawl sa bangin Israel mite mai ah hiam tawi-in Reuben minamte, Gad minamte le Manasseh minam a langte na ma pai uh a,

Joshua 4:12 Iomraidhean Croise

Paikhiatna 13:18

Ahih hangin Pasian in San Tuipi lam manawhin sehnel gam lamah mite kot paipih hi. Israel mite gal a do dingin a kithawisa-in Egypt leitang panin a paito uh ahi hi.

Gamlak-vakna 32:17

ahih hangin kote in hiam tawi-in amau’ munah Israel mite ka tunpih mateng uh amau’ mai-ah a pai dingin ka kiging ding uh hi. Tua kikal sungin hih gam sungah a teng mite’ kiang pan kihut nadingin khuapi muanhuai sungah ka zi ka tate uh a na om ding uh kisam hi.

Thu-hilhkikna 3:18

“Tua hunin note thu kong pia a, ‘Topa na Pasian un na neih dingun hih leitang hong piazo hi. Na galhang mite khempeuh uh galhiam tawh kithawi-in Israel mi na sanggamte uh mai-ah va kuan ding hi.

Thu-hilhkikna 33:21

Amah in lei hoihpenna mun ama a dingin teel hi. Bang hang hiam cih leh a ukpa’ tanh kikoihcingsak hi. Mi makaite’ ngahte mah amah zong kingahsak a, amah in Israel-te tawh Topa’ thupiakna le thuman khennate a sem hi,” a ci hi.

Joshua 1:14

Moses in Jordan galkhat a note hong piak leitangah na zite uh, na taneute uh, le na ganhingte uh a na om ding uh hi. Ahih hangin note lakah galhang mi khempeuh in hiam tawi-in Jordan kantanin na sanggamte uh mai-ah pai-in,

Joshua 4:11

Mite khempeuh a galkah khit uh ciangin Topa’ Thuciamna Singkuang le siampite, mite’ mai-ah na ma pai uh hi.

Joshua 4:13

mi tul sawmli bang galdo dingin hiam tawi-in a baihsa-in Jerikho zanglei lam Topa’ mai-ah a pai uh hi.