Joshua 3:5 - Tedim Bible

⁵ Tua ciangin Joshua in mite kiangah, “Nomau mah kisiangsak tawm un; bang hang hiam cih leh zing ciangin note’ lakah Topa in na lamdangte hong bawl ding hi,” a ci hi.

Tedim Bible Revision 2017

⁵ Tua ciangin Joshua in mite kiangah, “Nomau mah kisiangsak tawm un; bang hang hiam cih leh zing ciangin noteʼ lakah Topa in nalamdangte hong bawl ding hi,” a ci hi.

Joshua 3:5 Iomraidhean Croise

JOB (Job) 1:5

Tua banga a pawi bawl uh gual khat a kikhit ciangin Job in a tapate samin amaute siansuah a, zingsangin tho baihin a ta phazah tawh kizui-in meihal biakna a pia hi; bang hang hiam cih leh Job in, “Ka tate khialin, a lungsim sung uhah Pasian samsia khathei ding uh hi,” a ci hi. Tu-a bangin Job in hih tawntung hi.

Late 77:15

Nangmah in na vangliatna tawh Jakob le Josef’ suante, na mite na honkhia hi.

Late 86:10

Bang hang hiam cih leh nangmah lianin na lamdangte na bawl a, nang bek Pasian na hi hi.

Joel 2:16

Mite kaikhawm unla, amaute siansuah un. A khangham mite sam unla, naupangte zong kaikhawm un. Nawine lai naungekte zong paipih un. A kiteng cil nungak le tangvalte nangawn in a omna uh nusia-in hong pai uh hen.

Siampi Laibu 10:3

Tua ciangin Moses in Aaron’ kiangah, “Topa in, ‘Ka kiang nai-a a omte kiangah keimah a siangtho-in ka kilak ding a, mi khempeuh’ mai-ah keimah hong kiminthangsak ding hi,’ ci hi,” ci-in a gen hi. Aaron pau loin a om hi.

Siampi Laibu 20:7

Tua ahih ciangin note ki-ap unla siangtho un; bang hang hiam cih leh kei pen Topa na Pasian uh ka hi hi.

Gamlak-vakna 11:8

Mite pai kawikawi-in khawm uh a, an gawina tawh gawi-in, tua ahih kei leh sum sungah su-in, beelin huan uh a, mohin a bawl uh hi. A limna pen sathau tawh a kibawl moh ki-em tawh kibang hi.

Johan 17:19

Nangma tungah thuman takin amaute zong hong ki-ap theih nadingun amaute ka khualna-in nangma tungah kei ka hong ki-ap hi.

Joshua 3:13

Leitung buppi’ Topa ahi Topa’ Thuciamna Singkuang a pua siampite’ khete in Jordan tui a sik ciangin Jordan tuite luang nawn lo ding a, a tunglam panin hong luangsuk tuite lomkhatin khawl ding hi,” a ci hi.

Joshua 3:15

Thuciamna Singkuang a puate Jordan tung a, Thuciamna Singkuang a pua siampite’ khe tui-ah a kidiah ciangin (anlak hun sung khempeuh Jordan a piau khempeuhah let hi),

Joshua 3:4

Hih lamah pai ngei lo na hih manun na pai nading uh lampi tu-a bangin na thei ding uh hi. Ahi zongin note le tua Thuciamna Singkuang kikalah mun awng, pi tulthum bang om ding hi. A gei-ah pai kei un,” a ci uh hi.

Joshua 3:6

Tua ciangin Joshua in siampite kiangah, “Thuciamna Singkuang la unla, mite’ mai-ah paisuak un,” a ci hi. Amaute in Thuciamna Singkuang la-in mite’ mai-ah a pai uh hi.

Joshua 7:13

Tho in, mite siansuah inla, ‘Zing cianga dingin note kisiansuah tawm un. Bang hang hiam cih leh Israel Pasian Topa in, “Israel mite aw, note’ lakah a ki-ap nate om hi. Note’ lak panin a ki-ap nate na lakkhiat matengun na galte uh na nangzo kei ding uh hi,” ci hi.

1 SAMUEL MASA 16:5

Amah in, “Thuhoih hi; Topa’ tungah biakna a pia dingin kong pai hi. Note ki-ap unla, biakpiakna-ah kei tawh hong pai un,” a ci hi. Amah in Jessi le a tapate apin, biakpiakna-ah amaute a sam hi.