Joshua 3:3 - Tedim Bible

³ mite thu pia uh a, “Topa na Pasian uh Thuciamna Singkuang Levi siampite in a puak na muh uh ciangin na omna panun dingkhia-in na zui ding uh hi.

Tedim Bible Revision 2017

³ mite thu pia uh a, “Topa na Pasian uh Thuciamna Singkuang Levi siampite in a puak na muh uh ciangin na omna panun ding khia-in na zui ding uh hi.

Joshua 3:3 Iomraidhean Croise

2 SAMUEL NIHNA 6:13

Topa’ Thuciamna Singkuang a puate kal guk a suan khit ciangin amah in a puate tawlkhat khawlsakin bawngtal khat le bawngno thau khat biakna-in a pia hi.

2 SAMUEL NIHNA 6:3

Amaute in leeng thak khat tungah Pasian’ Thuciamna Singkuang pua uh a, mualtung a om Abinadab’ inn panin paikhiatpih uh hi. Abinadab’ tapate Uzzah le Ahio in leeng thak tungah Pasian’ Thuciamna Singkuang koihin hawl uh a, Thuciamna Singkuang mai-ah Ahio a pai hi.

1 KUMPI MASATE 8:3

Israel upate khempeuh hong pai uh a, siampite in Thuciamna Singkuang la-in Biakinn-ah paipih uh hi.

Jeremiah 33:18

Levi minam lak panin zong meihal biaknate, an tawh biakna le biakpiaknate a pia tawntung dingin ka mai-ah a ding ding siampi kitasam ngei lo ding hi,” a ci hi.

Gamlak-vakna 10:33

Tua ciangin Topa’ mual panin amaute dingkhia-in ni thum lam a pai uh hi. A tawlngak nading mun uh a zonsak dingin Topa’ Thuciamna Singkuang, amau’ mai ni thum lam na pai khol hi.

Gamlak-vakna 4:15

Aaron le a tapate in biakbuk le biakbuk nazat khempeuh a tun khit uh giahphual a kisuan ciangin, tuate a pua dingin Kohath mite hong pai ding uh a, ahih hangin amaute in a siangtho nate lawngkha lo ding uh hi; lawng le-uh si ding uh hi. Hihte pen Kohath mite’ puak ding kikhopna buk nate ahi hi.

Mattiu 16:24

Tua ciangin Jesuh in a nungzuite kiangah, “Mi khatpeuh ka nungzui a suahnop leh, ama deihna bangin gamta nawn loin, a singlamteh kisuanin hong zui ding hi.

Mattiu 8:19

Tua laitakin Thukham hilh siate khat in ama kiangah, “Sia aw, na paina peuhpeuhah ka hong zui ding hi,” a cih leh

Thu-hilhkikna 31:25

Moses in Topa’ Thuciamna Singkuang a pua Levi mite thu pia a,

Thu-hilhkikna 31:9

Moses in hih Thukham gelhin Topa’ Thuciamna Singkuang a pua Levi mi siampite le upate khempeuh tungah a pia hi.

Joshua 3:4

Hih lamah pai ngei lo na hih manun na pai nading uh lampi tu-a bangin na thei ding uh hi. Ahi zongin note le tua Thuciamna Singkuang kikalah mun awng, pi tulthum bang om ding hi. A gei-ah pai kei un,” a ci uh hi.

Joshua 3:6

Tua ciangin Joshua in siampite kiangah, “Thuciamna Singkuang la unla, mite’ mai-ah paisuak un,” a ci hi. Amaute in Thuciamna Singkuang la-in mite’ mai-ah a pai uh hi.

Joshua 3:8

Thuciamna Singkuang a pua siampite thu na pia ding a, ‘Jordan tuite’ gei na tun uh ciangin Jordan tui sungah tang loin na ding ding uh hi,’ na ci ding hi,” a ci hi.

Joshua 4:10

Bang hang hiam cih leh Moses in Joshua a thupiak bangin mite tungah a gen dingin Topa in Joshua a thupiak khempeuh a vekpi-in a kiman khit matengin Jordan laizangah Thuciamna Singkuang a pua siampite a ding uh hi. Mite nawhsa-in galkah uh hi.

Joshua 6:6

Tua ahih ciangin Nun tapa Joshua in siampite samin amaute kiangah, “Thuciamna Singkuang la unla, tua Topa’ Thuciamna Singkuang mai-ah siampi sagihte tuutal ki peengkul sagih tawisak un,” a ci hi.

Mangmuhna 14:4

Hih mite in numei tawh paktatna gamta ngei nai lo uh a, paubaanna a nei lote ahi uh hi. Amaute in Tuuno a paina peuhpeuhah zui uh a, midang khempeuh sung panin a kitankhiasa, Pasian le Tuuno tungah a kipia masa mite ahi uh hi.

1 SAMUEL MASA 6:15

Levi mite in Topa’ Thuciamna Singkuang le a gei-a om kham milim a omna singkuang la-in suangtumpi tungah a koih uh hi. Bethshemesh mite in tua ni-in Topa’ tungah meihal biaknate le biakpiaknate a pia uh hi.