Joshua 3:17 - Tedim Bible

¹⁷ Israel-te khempeuh lei keu tungah a galkah sung, minam bup in Jordan a khen’ khit mateng, Topa’ Thuciamna Singkuang a pua siampite Jordan gun laizang lei keu tungah ding uh hi.

Tedim Bible Revision 2017

¹⁷ Israel-te khempeuh lei keu tungah a gal kah sung, minam bup in Jordan a khen khit mateng, Topaʼ Thuciamna Singkuang a pua siampite Jordan gun laizang lei keu tungah ding uh hi.

Joshua 3:17 Iomraidhean Croise

2 KUMPI NIHNATE 2:8

Tua ciangin Elijah in a puantualpi suahin zial a, tua tawh a tui sat hi. Lei keu tungah amau tegel a pai theih matengun a pang khat le a pang langkhatah a tui kikhen hi.

Late 66:6

Amah in tuipi tui pen leikeu suaksak a, i pu i pate in a khe uh tawh tua tuipi na kantan uh hi. Tua bangin ama nasepna hangin eite i lungdam hi.

Paikhiatna 14:21

Tua ciangin Moses in tuipi tungah a khut zan hi. Topa in zan tawntung nisuahna huihpi hat tawh tuipi mutgawpin, tuipi pen lei keu-in bawl a, tuite a kikhen hi.

Paikhiatna 14:22

Israel mite, tuipi laizang lei keu tungah pai uh a, amau’ taklam le veilamah kawm bangin tuite om hi.

Paikhiatna 14:29

Ahih hangin tuipi kantanin lei keu tungah Israel mite pai uh a, amau’ taklam le veilamah kawm bangin tuite a om hi.

Isaiah 25:8

Amah in sihna beimangsak ding a, maitang khempeuh panin khitui nul ding hi. Leitung khempeuh panin ama mite a kizahkona lakhia ding hi. Bang hang hiam cih leh Topa in hih thu gen khinzo hi.

Gamlak-vakna 33:51

“Israel mite tungah hih bangin gen in: Jerikho kantanin Kanaan gam na tun uh ciangin

Hebru 11:29

Lei keu tunga pai bang keekin Israel mite in San Tuipi a kantan theihna uh zong a upna hang mah uh ahi hi. Amaute’ pai bangin Egypt mite in pai ding a sawm uh ciangin tui in a tuumcip hi.

Joshua 4:1

A minam bupin Jordan a galkah khit uh ciangin Topa in Joshua kiangah,

Joshua 4:10

Bang hang hiam cih leh Moses in Joshua a thupiak bangin mite tungah a gen dingin Topa in Joshua a thupiak khempeuh a vekpi-in a kiman khit matengin Jordan laizangah Thuciamna Singkuang a pua siampite a ding uh hi. Mite nawhsa-in galkah uh hi.

Joshua 4:11

Mite khempeuh a galkah khit uh ciangin Topa’ Thuciamna Singkuang le siampite, mite’ mai-ah na ma pai uh hi.

Joshua 4:22

‘Israel-te in lei keu tungtawnin hih Jordan kantan hi,’ ci-in na tate uh na theisak ding uh hi.

Joshua 4:3

amaute thu pia-in, ‘Siampite’ khe a dinna mun mahmah, Jordan gun laizang panin suangtum sawm le nih la unla, a galah pua-in tu nitakin na giahna uh munah koih un,’ ci in,” a ci hi.

Joshua 5:1

Nitumna lam Jordan galkhat a om Amor mite’ kumpite khempeuh le tuipi gei-a om Kanaan mite’ kumpi khempeuh in, Israel mite in a kantan khit mateng amaute a dingin Jordan tuite Topa in a kansakna thu a zak uh ciangin lungmang uh a, Israel mite’ hangin a lungsim uh a bei hi.