Joshua 3:15 - Tedim Bible

¹⁵ Thuciamna Singkuang a puate Jordan tung a, Thuciamna Singkuang a pua siampite’ khe tui-ah a kidiah ciangin (anlak hun sung khempeuh Jordan a piau khempeuhah let hi),

Tedim Bible Revision 2017

¹⁵ Thuciamna Singkuang a puate Jordan tunga, Thuciamna Singkuang a pua siampiteʼ khe tui ah a kidiah ciangin (anlak hunsung khempeuh Jordan a piau khempeuh ah let hi),

Joshua 3:15 Iomraidhean Croise

2 KUMPI NIHNATE 2:6

Tua ciangin Elijah in ama kiangah, “Hih lai-ah khawl in, kong thum hi; bang hang hiam cih leh Topa in Jordan-ah kei hong sawl hi,” a ci hi. Ahih hangin amah in, “Topa nungta a, nangmahmah na nuntak mah bangin, nang kong nusia ngei kei ding hi,” a ci hi. Tua ahih ciangin amaute a nihun pai lai uh hi.

1 KHANG TANGTHU MASATE 12:15

Hihte pen Jordan a piau khempeuh a dimlet laitak kha masa sungin Jordan kantanin kuam sunga om mite nisuahna lam le nitumna lamah a taisak mite ahi uh hi.

1 KHANG TANGTHU MASATE 12:16

Tua ciangin Benjamin mi le Judah mi pawlkhat David kiang munmuanhuai-ah hong pai uh hi.

Isaiah 26:6

A zawng a cimawh a kinengniam mite in tu-in tua khua tuancil uh hi.

Jeremiah 12:5

Topa in, “Jeremiah aw, mite tawh tai kidem a, nangmah hong gimsakzo uh ahihleh, sakol bangci demzawh ding na hiam? A nopna munah tuk lailai na hih leh Jordan gun gei sing kawm lakah bangcih ding na hi hiam?

Jeremiah 49:19

En un, lonona-ah nuamtakin a om tuute, Jordan gam tulak panin a hong paito humpinelkai in a delhmang bangin, a gam uh nusia-in thakhat thu-in ka taimangsak ding a, a gam uh a uk dingin ka deih peuhpeuh ka seh ding hi. Bang hang hiam cih leh kei bang mi kua om ahi hiam? Keima to ahi ding kua omlai ahi hiam?

Nahum 1:4

Amah in tuipi a tai ciangin tuipi kangcip pah a, gunpite zong kangcipsak hi. Bashan gam keugawpin Karmel Mual kausan a, Lebanon Mual a om pakpalhte a vul hi.

Joshua 3:13

Leitung buppi’ Topa ahi Topa’ Thuciamna Singkuang a pua siampite’ khete in Jordan tui a sik ciangin Jordan tuite luang nawn lo ding a, a tunglam panin hong luangsuk tuite lomkhatin khawl ding hi,” a ci hi.

Joshua 4:18

Topa’ Thuciamna Singkuang a pua siampite Jordan laizang panin hong paikhia-in, siampite’ khe lei keu tungah hong omtoh ciangin, a ngeina bangin amau’ munah Jordan tuite hong luangkikin a piau khempeuh a tuum hi.