Joshua 3:11 - Tedim Bible

¹¹ En un, leitung buppi’ Topa’ Thuciamna Singkuang note’ mai Jordan lamah pai ding hi.

Tedim Bible Revision 2017

¹¹ En un, leitung buppiʼ Topaʼ Thuciamna Singkuang noteʼ mai Jordan lamah pai ding hi.

Joshua 3:11 Iomraidhean Croise

1 KHANG TANGTHU MASATE 29:11

Topa aw, liatna, vangliatna, minthanna, gualzawhna, le min liatnate nangma a’ ahi hi; bang hang hiam cih leh vantung le leitungah a om khempeuh zong nangma a’ ahi hi. Topa aw, kumpi gam nangma a’ hi a, tuate khempeuh tungah nang a lutangin hong kisangsak hi.

JOB (Job) 41:11

Leitung a om mihingte lakah Awle a suk manin a sihlawh lo kua om ahi hiam?

Late 24:1

Leitung le a tunga omte, leitung le a tunga tengte Topa-a’ ahi hi.

Late 97:5

Topa’ mai, leitung mi khempeuh’ Topa’ mai-ah mual liante khuainun bangin a tuisuak uh hi.

Isaiah 3:12

Keima mite ahihleh naupangte in bawlsia uh a, numeite in zong uk uh hi. Ka mite aw, na makaite un note lam hong lakkhial a, note’ lampi zuih pen hong siasak hi.

Isaiah 54:5

Bang hang hiam cih leh nangmah hong Bawlpa pen nang a dingin na pasal bang hi ding a, ama min pen Vanglian Topa ahi hi. Israel-te’ Siangtho Pa pen nang hong honkhia pa hi a, amah pen leitung buppi’ Pasian a kici hi.

Jeremiah 10:7

Gam khempeuhte’ Kumpipa aw, nang a hong kihta lo ding kua om ahi hiam? Nang, kihtak ding mah na hi hi. Bang hang hiam cih leh leitung mipil khempeuhte le amau’ gam sung khempeuh lakah nang tawh a kibang kuamah om lo hi.

Micah 4:13

Topa in hih bangin ci hi: Jerusalem khuamite aw, kipan unla, na galte uh sugawp un. Sumngo khe le sik ki a nei bawngtal bangin note kong thahatsak ding hi. Minam tampite na sugawpzo ding uh a, amau’ neihsa teng keima-a’ na suaksak ding uh a, amau’ hauhna teng leitung buppi’ Topa’ neihsa na suaksak ding uh hi.

Zefaniah 2:11

Topa in amaute lausakgawp ding a, leitung pasian-te, neubawl gawp ding hi. Tua ciangin minam khempeuh in amau’ gam ciat panun amah bia ding uh hi.

Zekhariah 14:9

Tua ciangin Topa pen leitung khempeuh’ kumpi suak ding a, mi khempeuh in amah bek thei-in bia ding uh hi.

Zekhariah 4:14

Tua ciangin amah in, “Leitung khempeuh’ Topa’ na a sem dingin Pasian in teelin sathau a nilh mi nihte a cihnopna ahi hi,” hong ci hi.

Zekhariah 6:5

Tua ciangin amah in hong dawng a, “Hihte pen huihleeng li a cihnopna hi a, leitung khempeuhte’ Topa’ kiang panin a hong paikhia ahi uh hi,” hong ci hi.

Thu-hilhkikna 9:3

Tua ahih ciangin, a kangtum thei mei bangin note’ mai-ah a pai pa pen Topa na Pasian uh ahihna thu tuni-in thei un. Amah in note’ mai-ah amaute susia-in, amaute zogawp ding hi. Tua ahih ciangin Topa in note tungah hong ciamsa bangin amaute hawlkhia-in manlangin na siamangsak ding uh hi.

Joshua 3:13

Leitung buppi’ Topa ahi Topa’ Thuciamna Singkuang a pua siampite’ khete in Jordan tui a sik ciangin Jordan tuite luang nawn lo ding a, a tunglam panin hong luangsuk tuite lomkhatin khawl ding hi,” a ci hi.